ESB-flokkar á Íslandi eru í rúst segir Egill Helga

Hin evrópusinnaða miðja í íslenskum stjórnmálum er í rúst. Samfylkingin er með innan við tíu prósenta fylgi og fer sennilega lækkandi. Formaður flokksins er búinn að gefa upp boltann með innanflokksdeilur, varaformaðurinn er að hætta, vinsælasti þingmaðurinn íhugar forsetaframboð.

Björt framtíð er komin svo lágt í fylginu að varla er hægt að blása aftur lífi í flokkinn – það breytir engu þótt nánast óumdeildur indælismaður hafi verið gerður að formanni.

Viðreisn, sem átti að taka evrópufylgið frá Sjálfstæðisflokknum, á varla mikla möguleika meðan er margháttuð krísa innan ESB og almennt áhugaleysi á aðild við núverandi aðstæður.

 

Svo segir Egill Helgason á Eyjunni.

Athugasemdir

[Anna Sigríður Guðmundsdóttir, 18.2.2016 kl. 21:29]

Það er einfaldlega á ábyrgð hvers og eins, að mynda sér skoðanir um umdeild landsmál og heimsmál.

Í þeirri miklu sjálfsábyrgu skoðun felst nefnilega skoðanafrelsi einstaklinga, að láta ekki fjölmiðla-kerfisinnréttaða fjölmiðlaþræla hverju sinni, segja sér hver manns eigin sálar/lífsreynslu skoðun, og samfélags-gagnrýnd raunveruleg sýn er.

M.b.kv.

[Anna Sigríður Guðmundsdóttir, 18.2.2016 kl. 21:42]

Lýðræðislegar kosningar byggjast einmitt á frelsi einstaklinga til að mynda sér sínar eigin frjálsu skoðanir, og kjósa samkvæmt sínum eigin upplýstu skoðunum.

En ekki kjósa samkvæmt skoðanakönnunar-hönnuðum ó-upplýstum áróðursskoðunum pólitískra einokunarfjölmiðla.

Það er æpandi þörf á frelsi starfsmanna fjölmiðla og fréttablaða, án þess að blessað starfsfólkið eigi von á að verða rekið samdægurs, ef þau segja á frjálsan upplýsandi hátt frá því sem er staðreynd!

M.b.kv.

[Anna Sigríður Guðmundsdóttir, 18.2.2016 kl. 22:06]

Og nú eru einhverjir kúgaðir "ritstjóra-vitringarnir" að tala um að stefna Kaupþingsmönnum, sem nú þegar sitja í fangelsi? Það er að segja ef ég hef lesið rétt, á öðrum netmiðli fyrir stuttu síðan?

Eru allir orðnir alveg heilaskeindir/heilaþvegnir og kolvitlausir, eða hvað?

M.b.kv.