Fyrsti maí: Betri hagur utan ESB

Á baráttudegi verkafólks á morgun er gott að minnast þess að það er hag Íslendinga fyrir bestu að vera utan Evrópusambandsins. ESB og evrunni hefur fylgt mikið atvinnuleysi, sérstaklega í löndunum á jaðri svæðisins þar sem atvinnuleysi hefur veirð á bilinu 20-30% og meira á vissum svæðum og meðal ákveðinna hópa eins og hjá ungu fólki.

Mætum á morgun til stuðnings íslensku verkafólki með því meðal annars að fagna því að Ísland skuli ekki vera í ESB. Mætum sem getum klukkan 13:00 á Hlemm við Rauðarárstíg í Reykjavík á morgun. Gangan fer af stað þaðan klukkan 13:30.

Athugasemdir

[Anna Sigríður Guðmundsdóttir, 30.4.2016 kl. 23:58]

Erum við ekki komin á þann stað í kjarabaráttunni, að ESB sé kannski betur borgið utan USA? Mér sýnist það.

Það er ljótt og siðlaust að ljúga að varnarlausum óupplýstum almenningi og starfsfólki löggjafaþingsins.

Með sannleikann staðfasta, þrautseiga og þolinmóða að  leiðarljósi, er líklegast að ná að takmarkinu:

réttlæti, virðing, jöfnuður og friður.

Það þarf hugarfarsbreytingu almennings á Íslandi, ef eitthvað á að breytast til betri vegar. Engar lagareglur breyta hugarfari. Hugarfarið breytist innanfrá, en ekki samkvæmt ísköldum andlausum utanaðkomandi lagabókstöfum.

Berjumst gegn mannsali/þrælahaldi varnarlausra erlendra starfsmanna á Íslandi, sem eru viðskipta-skiptimynt í formi ódýrs vinnuafls í boði EES/ESB!

Orðspor Íslands verður aldrei betra er raunveruleikinn á Íslandi.

M.b.kv.