Til hamingju, Guðni Th. Jóhannesson!

Við óskum Guðna Th. Jóhannessyni, nýkjörnum forseta Íslands, til hamingju með kjörið. Jafnframt óskum við honum velfarnaðar í starfi, þjóð og landi til heilla. 

Athugasemdir

[Ásthildur Cesil Þórðardóttir, 26.6.2016 kl. 11:37]

Tek undir það. 

[Jón Þórhallsson, 26.6.2016 kl. 11:57]

Guðni er opinber aðdáandi að flokknum Viðreisn sem að stefnir inn í ESB; hvað finnst fólki um það?

[Ásthildur Cesil Þórðardóttir, 26.6.2016 kl. 12:33]

Æ Jón, Guðni hefur marglýst yfir að hann sé hvorki flokksbundinn né styðji stjórnmálaflokka.  Og hann hefur líka sagt að hann muni vísa slíkum tilhneygingum í þjóðaratkvæðagreiðslu.  Er ekki mál að linni þessum kjánaskap.

[Jón Þórhallsson, 26.6.2016 kl. 12:36]

Allar umræður til góðs.

[Pétur D. (IP-tala skráð) 26.6.2016 kl. 12:52]

Ekki furða að ESB-sinninn Katrín Jakobsdóttir hlakkar til, þegar hún kemst í ríkisstjórn með öðrum ESB-sinnuðum flokkum (þ.m.t. ESB-armi Sjálfstæðisflokksins) eftir kosningarnar 2017 að vinna saman með nýjum leiðitömum og meðvirkum forseta að endurupptöku ESB-aðildarumsóknar. Auðvitað er hún enn í sárum eftir Brexit og hún veit að meirihluti íslenzku þjóðarinnar vill ekki sjá aðild, svo að það verður ekki opinber stefna VG. Vandamálið er að við vitum núna hvað þessi afdankaða flokksleysa stendur fyrir.

Hins vegar afhjúpar Árni Páll Árnason í ummælum sínum um Brexit að hann hatar lýðræði og hann hatar þjóðaratkvæðagreiðslur nema þegar úrslitin eru hugmyndafræði hans í vil:

"Þjóðar­at­kvæðagreiðslur geta verið nauðsyn­leg­ar stund­um, en þær brjóta niður þetta net lýðræðis­ins sem við höf­um byggt upp í Vest­ur-Evr­ópu, þar sem fjöl­breytt­ir hags­mun­ir veg­ast á og fólk ræðir sig að niður­stöðu."

Það er leit að annarri eins andskotans þvælu og þessari. Það er augljóst, að ÁPÁ hefur annað hvort ekki hugmynd um hvað ESB er eða hann er gjörsamlega blindur og heyrnarlaus. Hér er stutt áminning til Árna: ESB er ekki net lýðræðis, heldur þveröfugt. 

[Elle_, 27.6.2016 kl. 00:10]

Jón þú varst ekki með neinn kjánaskap.  Haltu bara þínu striki og segðu nákvæmlega það sem þú sagðir, tek undir það. 

[Ásthildur Cesil Þórðardóttir, 27.6.2016 kl. 08:46]

Fyrst þú tekur undir þetta Elli minn, viltu þá ekki koma með einhver dæmi um meintan stuðning Guðna við Viðreysn? Ég býð spennt.

[Jón Þórhallsson, 27.6.2016 kl. 09:57]

Ef að fólk fer inn á persónulegu fb-síðuna hans Guðna og ýtir á hnappinn "Meira" og síðan valmöguleikan "Ánægjuefni" að þá er hægt að finna bæði fb-síðu Viðreisnar og Evrópusamtakana sem opinbert ánægjuefni þar.

https://www.facebook.com/profile.php?id=100002924461343&fref=ts

[Elle_, 27.6.2016 kl. 10:57]

Já ég var að vísu bara að styðja og undirstrika að Jón gæti haldið sínu striki og sagt það sem hann taldi sig vita án þess að honum væri dónalega sagt að hann væri með "kjánaskap".

[Gudjón (IP-tala skráð) 27.6.2016 kl. 13:33]

Jón, ef maður scrollar aðeins lengra á "ánægjuefni" listanum hans Guðna að þá koma þar læk síður allra hinna flokkana (XD, Framsók, VG o.fl) , sem og læk síður allra helstu forystumanna stjórnmálaflokkana (Bjarni ben, Sigmundurd, Vigdís hauks o.fl)...

Þú þarft að reyna betur. 

[Ásthildur Cesil Þórðardóttir, 27.6.2016 kl. 20:10]

Guðjón það má ekki ef það hentar ekki málefninu og skítkastinu. 

[Elle_, 27.6.2016 kl. 21:40]

Hver var eiginlega með skítkast, nema kannski þú?