Læknir varar við fersku innfluttu kjöti í kjölfar EFTA-dóms

Stjórnvöld þurfa að skilja vandann sem tengdur er nýjum lögum og reglugerðum um innflutning ferskrar matvöru og sem getur borið með sér sýklalyfjaþolnar/ónæmar bakteríur til landsins. Þetta segir Vilhjálmur Ari Arason læknir í grein sem hann birtir á Eyjunni nýverið. Hann bætist þar með í hóp fjölmargra sérfræðinga sem vara við afleiðingum EFTA-dómsins þar sem lagst var gegn innflutningstakmörkunum á fersku kjöti. Spjótin beinast nú að verðandi ríkisstjórn að sjá til þess að öryggi og heilsu landsmanna verði ekki fórnað fyrir einhvern smávægilegan stundargróða örfárra innflytjenda.

Sjá m.a. hér,  hér og hér.

Athugasemdir

[Ufsi (IP-tala skráð) 30.11.2017 kl. 09:14]

Vilhjálmur Ari Arason heimilislæknir bætist í hóp fjölmargra sérfræðinga. Enda þarf aðeins háskólapróf í einhverri grein til að flokkast sem sérfræðingur. Ekki er gerður greinarmunur á sérfræðingi sem hefur smitsjúkdóma sem sérþekkingu og einhverjum sem hefur heimilislækningar eða sálfræði sem sérþekkingu. Þeir sem hafa enga þekkingu á máli eru taldir eins og sérfræðingar sem hafa vit og þekkingu á málinu. "Fjöldi sérfræðinga" hefur því misst alla merkingu og hefur ekkert gildi.

Íslensk stjórnvöld töpuðu málinu vegna þess að ekki voru nein haldbær rök fyrir innflutningsbanninu. Ekki var hægt að sýna fram á að öryggi og heilsu landsmanna væri á nokkurn hátt stefnt í hættu. Ekki var hægt að sýna fram á að heilsu bústofns væri á nokkurn hátt stefnt í hættu. Fullyrðingar um að hættan væri raunveruleg var ekki hægt að sýna fram á að væru sannar. Hátíðarræðurnar um ágæti Íslenska kjötsins og hættuna af hinu erlenda reyndust innihaldslaus uppspuni.