Þverpólitísk samstaða gegn orkupakkanun

Meirihluti þjóðarinnar tekur afstöðu gegn orkupakkanum. Áberandi stjórnmálamenn úr öllu pólitíska litrófinu taka afstöðu gegn orkupakkanum. Nú síðast bættist Sturla Böðvarsson, fyrrverandi ráðherra Sjálfstæðisflokksins og forseti Alþingis, í hóp fyrrverandi ráðherra úr Sjálfstæðisflokki, Vinstri grænun, Framsóknarflokki og úr hópi jafnaðarmanna.

Andstaðan við orkupakkann, eins flókinn og hann virðist vera við fyrstu sýn, er í raun megn. 

Samþykkt hans þýðir hættu á að við séum að kasta frá okkur fjöreggi þjóðarinnar.Við þurfum óskoruð yfirráð yfir orkumálum hér á landi ekki síður en sjávarútvegsmálum. Fólk er smám saman að gera sér grein fyrir því.  

Óforsvaranlegt að samþykkja orkupakkann

Athugasemdir

[Þorsteinn Siglaugsson, 12.5.2019 kl. 15:56]

Það er athyglivert að andstaðan er lítil meðal þeirra sem hafa kynnt sér málið, en mest meðal þeirra sem ekkert vita um það. Það sýnir að áróður andstæðinganna hefur áhrif á þá sem hafa ekkert vit á málinu, en ekki á þá sem hafa vit á því.

[Atli Harðarson (IP-tala skráð) 12.5.2019 kl. 16:25]

Er ekki réttara að andstaðan sé minni meðal þeirra sem segjast hafa kynnt sér málið?

[Heimssýn, 12.5.2019 kl. 17:29]

Það er hins vegar eftirtektarvert hversu miklu fáeinir einstaklingar hafa áorkað í því að upplýsa þjóðina um ýmsar neikvæðar hliðar á þessum orkupakka. Það er merkilegt að í ljósi þess að heilt ríkjasamband með öllum sínum stofnunum, aðildarríkjum og sérfræðingum á þeirra snærum hafa varið ómældu fjármagni og tíma í málið þá hafi fáeinum áhugamönnum tekist að snúa umræðunni þannig að þjóðin er á móti þessu. Það ætti að vera umhugsunarefni fyrir fylgjendur þessa pakka.