Fánar Evrópusambandsins komnir á nýjan lögreglubíl

Tveir fánar ESB eru á nýjum lögreglubíl sem dómsmálaráðherra Íslands afhenti Ríkislögregluembættinu í síðustu viku. Ekki verður séð að neinn íslenskur fáni sé á lögreglubifreiðinni.

Það er reyndar langt síðan byrjað var að breyta lit lögreglubílanna. Áður höfðu þeir verið íklæddir litamunstri íslenska þjóðfánans. En nú eru allir nýir lögreglubílar í stöðluðum bláum og gulum litum ESB fánans.

 

Evrópusambandið vill yfirtaka Ísland og það gengur ágætlega með hjálp meðvirkrar embættis- og stjórnmálaelítu Íslands. Það er gert sneið fyrir sneið í gegnum ólýðræðislegan EES samninginn og Schengen miðstýringuna. 

Við hjá Heimssýn segjum Nei við ESB og mikill meirihluti þjóðarinnar hefur fylgt okkur í því og nei þýðir nei.

 

Bíllinn merktur ESB

Athugasemdir

[Helga Kristjánsdóttir, 14.5.2020 kl. 01:33]

Hvað gerum við,? Horfum á!? jú kannski hneyksluð og látum það í ljós í blaðapistlum hér og þar sem er ágætt en mætti fara að slá í klárinn,eða værum við ekki í fullum rétti að líma yfir ESB merkið á íslenska lögreglubílnum.                                                                                                                               

[Anna Björg Hjartardóttir, 14.5.2020 kl. 11:34]

Tekur lögreglan við kostun, þannig að fyrirtæki geti fengið auglýsingar birtar á lögreglubílum? Kannski líka keypt logo eða auglýsingar á einkennisbúninga lögreglunnareins og í íþróttum? Ef neitað verður fyrir það og sagt að greiðsla ESB falli ekki undir kostun, hvað er það þá? Getur einhver svarað því, veit fyrir víst að marga langar að kaupa auglýsingar eða logo á lögreglubílanna og búninganna. Verður kannski útboð?  

[Helga Kristjánsdóttir, 14.5.2020 kl. 16:46]

Góðir punktar Anna Björg.