Evrópuherinn enn á ný

Ýmsir stórlaxar í Evrópusambandinu hafa árum saman krafist þess að hert verði á hervæðingu sambandsins.  Bretar voru dragbítar í því máli.  Nú eru þeir farnir, svo það kann að vera lag. Ályktun Evrópuþingsins frá 2009 um Evrópuher stendur enn og bíður þess að koma til framkvæmda.

Hugmyndaflugið eitt setur því skorður hvernig Íslendingar gætu flækst í hermál bandalagsins, hvort heldur þeir gengju þar inn um aðaldyrnar eða yrði laumað inn bakdyramegin með skapandi túlkun á EES-samningnum.

 https://www.theguardian.com/world/2021/sep/02/us-withdrawal-from-afghanistan-will-lead-to-eu-army-says-top-diplomat?fbclid=IwAR2ZzCa_DLOKOARZmBOeIM9OzSHtO872YmB5WsJi3ScJeJe3V99ocFvCI_8

Athugasemdir

[Heimssýn, 4.9.2021 kl. 14:38]

fullveldi.is rekur málið nánar með viðeigandi tilvísunum.   Þá má einnig benda á https://fridur.is/er-evropusambandi%c3%b0-ekki-fri%c3%b0arbandalag/

[Guðmundur Ásgeirsson, 4.9.2021 kl. 22:51]

Þetta er skellur fyrir þá sem aðhyllast "nýja stjórnarskrá" og ESB aðild, því tillögur stjórnlagaráðs fela í sér bann við framsali ríkisvalds sé það ekki í þágu friðar.

Sjá 1. mgr. 111. gr. í "frumvarpi" stjórnlagaráðs:

"Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávallt vera afturkræft."

Aðild að herveldi samræmist þessu ekki.