Auðvitað þegja þeir

Ef Íslendingar væru þegnar í Evrópusambandinu hefði ekki verið um neitt að semja í flugskattsmálum.  Tilkynning um skattheimtuna hefði komið í tölvupósti frá Brussel. Ef Ísland væri í Evrópusambandinu væru menn nú að skipuleggja þrot flugfélaganna og búa sig undir hrun í ferðaþjónustu.

Ákafamenn um innlimun í Evrópusambandið þegja vitaskuld um málið.  Engum blaðamanni virðist heldur detta í huga að spyrja þá neins. 

 

 

Athugasemdir

[Guðmundur Ásgeirsson, 27.5.2023 kl. 15:39]

Evrópusambandið virðir enn að vettugi skýran dóm EFTA-dómstólsins í Icesave málinu um að engin ríkisábyrgð sé á tryggingasjóði fyrir bankainnstæður og heldur því engu að síður upp á aðildarríkin að slík ábyrgð sé til staðar.

Íslendingar eru í tvígang búnir að greiða atkvæði gegn slíkri ríkisábyrgð í bindandi þjóðaratkvæðagreiðslum. Þess vegna er innganga Íslands í Evrópusambandið útilokuð.