Ábending til vinstrimanna – og hinna líka

Árið 2009 óskaði Alþingi eftir inngöngu í Evrópusambandið og réði stór hluti þingflokks VG þar úrslitum.  Lítill vafi er á að margir héldu á þeim tíma að Evrópusambandið væri eitthvað allt annað en það er.  Tímabært er að rifja upp tvennt sem gerst hefur síðastliðin misseri sem ýmsir stuðningsmenn umsóknarinnar hefðu aldrei trúað að gæti gerst.

Í fyrsta lagi heldur Evrópusambandið kjötkvörn í Úkraínu gangandi af fordæmalausu kappi, en hún vinnur að líkindum á tæplega þúsund ungmennum á dag.  Sambandið kaupir stríðstól og byssukúlur fyrir himinháar upphæðir og sendir austureftir.

Í öðru lagi bannar Evrópusambandi fréttaveitur sem þeim leiðist – og almenningur tekur því þegjandi.

 

https://www.aljazeera.com/news/2023/7/20/eu-draws-up-plans-for-22bn-ukraine-weapons-fund

https://www.politico.eu/article/russia-rt-sputnik-illegal-europe/

Athugasemdir

[Jón Frímann Jónsson, 17.8.2023 kl. 00:37]

Það kemur mér lítið á óvart að Heimssýn styðji þjóðernishreynsanir rússlands og kína. Það sést á þessum yfirlýsingum sem eru skrifaðar hérna.

Heimssýn er endanlega búið að sanna að þið eruð ekkert nema áróðursdeild hjá rússum og hafið augljóslega verið að skrifa fyrir þá í mörg ár.

Ísland mun ganga í Evrópusambandið innan nokkura ára og heimssýn mun hverfa í ruslatunnu sögunnar.

[Heimssýn, 17.8.2023 kl. 09:56]

Heimssýn er félag um fullveldi Íslands. Það er vitaskuld fráleitt að Heimssýn styðji þjóðernishreinsanir einhverra stórvelda eða gangi þeirra erinda. 

[Jón Frímann Jónsson, 17.8.2023 kl. 21:45]

Heimssýn hefur aldrei snúist um fullveldi Íslands. Það hefur alltaf verið augljóst.

Fullveldi Íslands er tryggt í samvinnu þjóðanna. Ekki í einangrun, fátækt og lélegum efnahag fortíðar sem Heimssýn er augljóslega í mun að koma íslendingum aftur í þannig efnaghag.