Mikið liggur á þarfleysu

Málið varðandi bókun 35 á sér fleiri hliðar.  Sú broslegasta er líklega sú að talsmenn bókunarinnar um forgang Evrópulaga segja að bókunin skipti eiginlega engu máli, sé aðeins formsatriði.  Málið hefur reyndar fengið að liggja í láginni í tæp 30 ár, svo það er ekki erfitt að trúa því, en þá líka að það megi að meinalausu liggja þar lengi enn.  En þá bregður við að það er allt í einu ægilega mikilvægt að samþykkja allt sem Evrópusambandið segir í logandi hvelli. 

Það veltur semsagt mikið á að afgreiða mál sem ekkert veltur á.  

Athugasemdir

[Júlíus Valsson, 3.9.2023 kl. 18:50]

Varla getur utanríkisráðherra nú borið við að Bókunarleysi númer 35 geti komið „EES-samningnum í uppnám" eftir 30 ára hvíld eins og hún tönglaðist á við innleiðingu á 3. orkupakka ESB sem voru jú heilber ósannindi sem enginn trúði nema hún, Gulli og gamli skarfurinn hann Baudenbacher en hlutdrægt álit hans var keypt af ráðuneytinu fyrir dágóða summu.