Liðkað til fyrir afnámi lýðræðis

Fram er komin á Alþingi tillaga um að liðka til fyrir breytingum á stjórnarskrá íslenska lýðveldisins.

Það er varla launungarmál að megintilgangur tillögu af þessu tagi er að auðvelda framsal á ríkisvaldi til vandalausra í útlöndum.   Áhugamenn um slíkt gera sér grein fyrir að eina leiðin til að gera það er að búa svo um hnúta að það megi gera hratt og fumlaust á örskömmum tíma, t.d. á meðan þjóðin er að reyna að ná áttum eftir hrun eða ámóta áfall.

Væri ekki farsælla fyrir áhugamenn um stjórnmál að finna sér verðugri verkefni en að grafa undan stjórnarskrá lýðveldisins og liðka til fyrir afnámi lýðræðis?

 

Athugasemdir

[Guðbjörg Snót Jónsdóttir (IP-tala skráð) 10.11.2023 kl. 13:20]

Haldið það sé nú!!! Þetta fólk virðist ekkert vita, hvað það er að gera. Það ætti að setja það í sögutíma, þar sem rifjuð er upp saga þeirra alda í Íslandssögunni, þar sem Ísland var undir Dani sett. Við vorum ekkert of haldin af því sambandi, eins og sagan sýnir. Menn kvörtuðu mikið undan fjarlægðinni við valdið. Að láta sér detta í hug að ræna Íslendinga sjálfstæði sínu á sama tíma og bæði Færeyingar og Grænlendigar og fleiri þjóðir eru að sækjast eftir fullu sjálfstæði og fullveldi, er ekki aðeins grátbroslegt heldur rakin heimska. Ég get ekki sagt annað.

[Helga Kristjánsdóttir, 10.11.2023 kl. 15:29]

Vandalausir í útlöndum hafa heldur betur  náð að gabba níliða og úrbrædda stjórnatliða upp úr skónum. Við óbreyttir bregðumst skjótt við rétt eins og hjálparsveitin og líðræðir lifir. 

[Helga Kristjánsdóttir, 10.11.2023 kl. 15:43]

Lýðræðið!