Ætli hinir séu eins staðfastir?

Það er mál margra að Alþingi og ríkisstjórn veiti ekki af ríkara aðhaldi en því sem felst í kosningum á 4 ára fresti.   Það krefst þekkingar, orku, staðfestu og vilja að veita slíkt aðhald.  Af viðtali Þórarins Hjartarsonar við Arnar Þór Jónsson, forsetaframbjóðanda er erfitt að heyra og sjá annað en að Arnar Þór sé mjög vel hæfur til þeirra verka.  Það var svosem ekki vafi fyrir.  

Það er bjargföst trú Arnars Þórs Jónssonar að fullveldi Íslendinga sé afar verðmætt og engar líkur á að hann kasti þeirri trú þótt sveiflur verði á gengi gjaldmiðla.  Ætli aðrir frambjóðendur séu eins staðfastir?

 

https://www.youtube.com/watch?v=jd6wtCWbs9A

Athugasemdir

[Jóhann Elíasson, 6.4.2024 kl. 09:03]

Ég á erfitt með að sjá fyrir mér ð Katrín Jakobsdóttir, Baldur Þórhallsson og Halla Tómasdóttir kæmu til  með  að  hugsa eitthvað um fullveldi og sjálfstæði Íslands næði eitthvert þeirra kosningu..... 

[Júlíus Valsson, 6.4.2024 kl. 09:17]

Það væri merkilegtvef þjóðin tæki glóbalistana fram fyrir hinn sanna fullveldissinna Arnar Þór.

[Guðbjörg Snót Jónsdóttir (IP-tala skráð) 6.4.2024 kl. 10:21]

Ég hlustaði með athygli á gagnmerkt viðtal Þórarins við Arnar Þór og er staðráðnari en nokkru sinni á því, að hann eigi mesta erindið á Bessastaði og hann verði að sigra þessar kosningar. Mér finnst hann sá einasti, sem kemur til greina sem forseti landsins. Ég segi eins og Jóhann, að ég get ekki séð Katrínu eða Höllu, hvað þá Baldur fyrir mér þar, og enga þá aðra, sem hafa boðið sig fram til þessa, - aðeins Arnar Þór kemur til greina. Einhver fréttamaður útvarpsins var eitthvað að þvæla um það á dögunum, að þeir, sem fyrstir hafa boðið sig fram, hafi aldrei orðið forsetar, heldur sá síðasti. Ég vil ekki skrifa undir það, enda eins og Ólafur Þ. Harðarson nefndi á dögunum, þá eru kjósendur hin mestu ólíkindatól, þegar kemur að forsetakosningum. Ég spyr annars eins og einn góður maður spurði um daginn á fésbókinni: Er virkilega svona mikið atvinnuleysi hér á landi: rúm sextíu manns í framboði til forseta?!!! Fyrr má nú rota en dauðrota! Það er lítið að marka skoðanakannanir, eins misvísandi og þær hafa alltaf verið undanfarin ár, - enda ekki kosningar sem betur fer. Ég kýs Arnar Þór og vona, að þjóðin hafi vit á því að gera það líka og sjái sóma sinn í því að koma honum á Bessastaði. Hann er sá einasti, sem er hæfur til þess að vera forseti.

[Júlíus Valsson, 6.4.2024 kl. 10:52]

Algjörlega sammála þér Guðbjörg Snót. Þurfum að vera dugleg við að kynna Arnar Þór og Hrafnhildi eiginkonu hans

[Helga Kristjánsdóttir, 6.4.2024 kl. 13:16]

Mér verður stirt um stefið af einskærri gleði og ætti samt að vera nægur orðaforði til þess; En hugsa um leið til Jóns heitins Vals baráttumans í Hruninu,það fer hér vel af stað með þessum öflugu manneskjum.

[Guðmundur Örn Ragnarsson, 6.4.2024 kl. 18:57]

Fyrir mér er enginn vafi á því, Arnar Þór Jónsson, ber af sem frambjóðandi til Embættis Forseta Íslands.

Hann stendur gegn þeirri lygi og lögleysi sem nú er haldið að okkur af Rétttrúnaðarfólkinu, Góða fólkinu, en mest fer fyrir leiðtogum þess í framboðinu til Forsetaembættisins.

Lögleysinginn kemur fyrir tilverknað Satans með miklum krafti, lygatáknum og undrum og með alls konar ranglætisvélum, sem blekkja þá, sem glatast, af því að þeir veittu ekki viðtöku og elskuðu ekki sannleikann, svo að þeir mættu verða hólpnir.

Þess vegna sendir Guð þeim megna villu, til þess að þeir trúi lyginni.

Þannig munu allir þeir verða dæmdir, sem hafa ekki trúað sannleikanum, en haft velþóknun á ranglætinu. (2: Þess. 2:9-12).

Hverjum mun þjóðin trúa og treysta nú, fyrir þessu þýðingamikla embætti? Er hún fær um að greina hismið frá kjarnanum eftir alla þá lygi sem haldið hefur verið að henni síðustu árin?

Mun Íslenskur almenningur nú vera fær um að fylgja boðbera sannleikans.

Er þjóðin verðug þess að fá svo frábærann mann sem Arnar Þór Jónsson sem Forseta?