Meira lýðskrum

Eitt mesta lýðskrum síðari ára tengist vaxtaumræðunni. 

Í grein í Vísi ræðir Hjörtur málið af yfirvegun og vísar m.a. í grein eftir Ólaf Margeirsson, hagfræðing sem segir m.a. orðrétt:

Háir vext­ir, verð­bólga, við­skipta­halli og geng­is­sveiflur hafa ekk­ert með krón­una að gera

Eins og fyrr hefur verið sagt eru raunvextir mælikvarði á leiguverð fjármagns.  Sá mælikvarði er margfalt betri en nafnvextir, sem eru út í bláinn ef verðbólga er há. 

Raunvextir á íbúðalánum á Íslandi eru nálægt 4 prósentum.  Menn geta haft á því skoðun hvort það séu háir vextir.  Líklega finnst mörgum sem þiggja lífeyri núna, eða munu þiggja lífeyri í framtíðinni það ekki vera frásagnarvert okur. 

 

https://www.visir.is/g/20242611663d/tala-eingongu-um-vextina

 

https://kjarninn.is/skodun/hinn-bitri-sannleikur-um-kronuna/

Athugasemdir

[Óskar Helgi Helgason (IP-tala skráð) 24.8.2024 kl. 18:05]

Komið þið sæl Haraldur; og þið önnur:: Heimssýnar fólk !

Það er með mestu ólíkindum; hversu þið flaggið skrifum Hjartar J. Guðmundssonar á ýmsum vefmiðla:: hjer hjá ykkur sem og víðar, á vefmiðlum hin seinni misserin - og oftlega áður, og það að óverðskulduðu.

Hjörtur J. Guðmundsson lagðizt svo lágt; að gerast einn helzti liðsmaður Katrínar Jakobsdóttur í vor leið, þá hún vildi setjazt að Bessastöðum, eftir hina ljelegu setu Guðna Th. Jóhannessonar, þar syðra.

Jeg hugði; sem vaflaust margir annarra, að Hjörtur væri stærri í sniðum en þá kom á daginn: aldeilis.

Fyrir mjer alla vegana; er Hjörtur J.Guðmundsson eins og hver annnar V. herdeildar maður, þegar til alvörunnar kemur og ekkert á honum mark takandi:: hafandi gengið undir merki Katrínar, hver afrekað hefur einna helzt, að sýna íslenzkum almanna hagsmunum alla þá svívirðu og foragt, sem öllum er kunnugt, sem geyma vilja og muna, um ókomna tíma.

Veljið ykkur; heiðarlegri ármann til komandi baráttutíma, en Hjört J. Guðmundsson, vilduð þið hyggja að minni ábendingu, að nokkru.

Með kveðjum; þó í þyngra lagi sjeu, að þessu sinni /   

 

[Guðmundur Ásgeirsson, 25.8.2024 kl. 16:37]

Það eru hvergi neinir vextir á peningaseðlum, hvorki evrum, krónum, dollurum eða hvaða nafni sem þeir nefnast.

Þess vegna breytast vextir ekki með því að breyta nafninu, litnum eða myndskreytingum á peningaseðlum.

Vextir eru skrifaðir á lánasamninga.

Ísland myndi ekki breytast sjálfkrafa í Þýskaland þó að svo færi að bæði löndin notuðu sama gjaldmiðil. Þýskaland myndi ekki heldur breytast í Ísland þó Þjóðverjar myndu ákveða að breyta nafninu á sínum gjaldmiðli í krónu.

Ef fólk vil breyta einhverju þá þarf að breyta því en ekki leggja til að breyta einhverju allt öðru. Ef vélin í bílnum gengur illa vegna þess að kveikjukertin eru ónýt þá dugar ekkert að skipta um dekk og vona að vandamálið lagist. Ef þú vilt laga vélina þarftu að skipta um kertin. Ef maður vill lægri vexti þá þarf að lækka vextina en ekki skipta um dekk og búast svo við að það breyti vöxtunum.