Bréfið birt

Reykjavík, september 2024

 

Forseti Íslands

Halla Tómasdóttir

Staðastað, Sóleyjargötu

101 Reykjavík

 

 

Heiðraði forseti

Fyrir liggur að ríkisstjórn Íslands hyggst leggja fyrir Alþingi frumvarp til laga um forgang löggjafar sem á sér rætur í EES-samningnum.  Sama á við um skuldbindingar sem innleiddar eru með stjórnvaldsfyrirmælum.  Frumvarpið er jafnan nefnt „bókun 35“.

Í stjórnarskrá lýðveldisins Íslands segir að Ísland sé fullvalda ríki og að löggjafarvaldið sé aðeins í höndum Alþingis og forseta Íslands.  Vandséð er annað en að frumvarp til laga um svokallaða bókun 35 gangi gegn stjórnarskránni.  Um það er fjallað með ýmsum hætti í fjölda umsagna til Alþingis sem fylgja máli þessu frá því í fyrravetur.  

Félagið Heimssýn, sem hefur að markmiði að standa vörð um fullveldi Íslands, hefur af þessu máli mjög miklar áhyggjur. Í því sambandi verður ekki hjá því komist að minna á að frumvarp það sem hér um ræðir var ekki hluti EES-lagabálksins þegar sá samningur var samþykktur. Það var meðal annars vegna þess að ef svo hefði verið, hefði samningurinn gengið gegn stjórnarskránni.

Förum við þess góðfúslega á leit við forseta Íslands að hann veiti máli þessu viðeigandi athygli og beini því til ríkisstjórnar og Alþingis að virða stjórnarskrána.  Fari svo að Alþingi samþykki umrætt frumvarp förum við fram á að forseti staðfesti ekki þau lög.

 

Fyrir hönd Heimssýnar

 

Haraldur Ólafsson, formaður

  

Athugasemdir

[Guðbjörg Snót Jónsdóttir (IP-tala skráð) 17.9.2024 kl. 15:55]

Ég skrifa undir þetta, enda veitir ekki af að minna Höllu á það, fyrir hverja hún vinnur núna, og að hún verði að virða stjórnarskrána og halda eins og Alþingi. Það er hneikslanlegt svo ekki sé dýpra í árina tekið, ef þingheimur fer að brjóta stjórnarskrána með því að samþykkja þessa ósvinnu frá EES og ESB um greinina þá arna, því að það þarf ekki síður að minna þingheim á það, að hann hefur svarið eið að stjórnarskránni, þegar á þing var sest, og því lít ég svo á, að þetta sé með öllu óhæft þing, ef þetta verður samþykkt. Það er nóg komið af þessarri vitleysu með ESB og EES, og kominn tími til að fara að taka EES-samninginn og semja upp á ný. Þetta gengur ekki lengur.Það segir sig sjálft. Bjarni Benediktsson má heldur ekki gleyma því, að langafi hans, Benedikt Sveinsson, var formaður lýðveldisnefndarinnar 1044 og er því beinlínis skyldugur að halda nafni hans og heiðri uppi og afneita þessarri 135 grein, þegar augljóst má vera, að þjóðin stendur á móti þessu. Að öðrum kosti verður að krefja Höllu um þjóðaratkvæðagreiðslu um þessa grein, því að það sem í henni stendur er ekkert einkamál utanríkisráðherra, ríkisstjórnar, Alþingis eða forseta. Í þessu máli verðum við að standa fast í fæturnar og koma í veg fyrir, að við missum sjálfstæðið. Enginn af ráðherrum Sjálfstæðisflokksins getur verið sæmdur af því að vera formaður í þeim flokki, sem kenndur er við sjálfstæði þjóðarinnar, og ætla að fara að svíkja land og þjóð á þennan hátt. Það verður að koma í veg fyrir, að þetta plagg geti orðið að lögum, ef nokkur kostur er.Ég segi ekki annað.

[Jónatan Karlsson, 17.9.2024 kl. 17:44]

Ég kýs að treysta Höllu Tómasdóttur, nýkjörnum Forseta Íslands fyrir fjöreggjum þjóðarinnar.

[Guðmundur Ásgeirsson, 18.9.2024 kl. 00:02]

Hvaða ákvæði stjórnarskrárinnar er því haldið fram að þetta brjóti gegn og með hvaða hætti?

[Helga Kristjánsdóttir, 18.9.2024 kl. 15:17]

Þú ert nú það vel að þér Guðmundur og hlýtur að vita svarið.Auk þess skrifar Arnar Þór Jónsson lögfr.í pistli Palvill afburða 
góð ákvæði úr samningi Íslands við EES,þar sem þessi bók.#35 get  sagt sé innifalin(komst ekki að lesa hana aftur),en hún vakti athygli víða um heim,auk allra Íslendinga. 

[Helga Kristjánsdóttir, 18.9.2024 kl. 15:19]

Lesa hana aftur átti það að vera.

[Guðmundur Ásgeirsson, 18.9.2024 kl. 15:22]

Ég spurði vegna þess að það kemur ekki fram í bréfinu hvaða ákvæði stjórnarskrár bréfritarar telji frumvarpið ganga gegn. Þar sem ég get ekki lesið hugsanir veit ég ekki hvaða ákvæði það er sem þeir hafa verið með í huga við ritun bréfsins. Séu menn nógu vissir í sinni sök til að rita sérstakt bréf til Forseta hljóta þeir að geta tilgreint viðkomandi ákvæði.

[Helga Kristjánsdóttir, 18.9.2024 kl. 18:51]

Já eg veit en varð að koma þessu að: Því þar liggur líflína okkar sem elskum landið ÍSLAND.