Fleiri fundir um ósvöruðu spurninguna

Fréttir berast af innanbúðarfundum félgsmanna Sjálfstæðisflokks.  Óháð fundarefni er bókun 35 rædd.  Þar er þungt í mörgum og kemur ekki á óvart miðað við afgerandi andstöðu stuðningsmanna Sjálfstæðisflokksins sem kom fram í nýlegri skoðanakönnun. 

Menn spyrja:  "Hvers vegna í ósköpunum?".  Svör með tilvísun í réttindi í fæðingarorlofi duga ekki.  Það vita nefnilega allir að það er hægt að tryggja hverjum sem er botnlausan rétt í hverju sem án þess að lögfesta bókun 35.  Eins duga svör um að Evrópusambandið langi til þess skammt.  Fáir kæra sig um að skemma eigin garð til að þóknast löngun Evrópusambandsins. 

Þetta eru óboðleg svör, en engin skárri hafa komið. 

 

Athugasemdir

[Guðmundur Ásgeirsson, 13.10.2024 kl. 15:19]

Það er alveg rétt að vel er hægt að tryggja fólki þann rétt sem það á að njóta án þess að lögfesta forgangsregluna í bókun 35. En ef á að það nota sem rök gegn því þá er líka eins gott að það fylgi með í þeim pakka að leiðrétta skuli öll lög sem brjóta í bága við umsamin réttindi fólks. Þau eru mun fleiri en bara lögin um fæðingarorlof. Samhliða því þyrfti líka að rétta hlut þeirra sem hafa þegar mátt þola slíkar skerðingar á réttindum sínum og eftir atvikum að greiða þeim bætur fyrir tjónið.

Góður staður til að byrja á væri þá að vinda ofan af hinum svokölluðu Árna Páls lögum nr. 151/2010 en eftir þann gjörning liggja tugir þúsunda einstaklinga óbættir hjá garði. Næsti viðkomustaður gæti svo verið í 1. mgr. 12. gr. laga um neytendalán nr. 121/1994 sem dómstólar staðfestu að bryti í bága við réttindi sem íslenskir neytendu hefðu átt að njóta. Ríkið viðurkenndi meira að segja þá sök í verki með því að gera viðeigandi úrbætur í nýrri lögum, en tugþúsundir fengu samt aldrei hlut sinn réttan vegna ágallans sem var á eldri lögunum.

Ég yrði fyrstur til að fagna því ef samstaða næðist um að fara þessa leið til að ná sama markmiði og með hinni.