Obb, obb, obb, Áslaug Arna

Haft er eftir Áslaugu Örnu Sigurbjörnsdóttur, ráðherra Sjálfstæðisflokks, að hún sé til viðræðu um þjóðaratkvæðagreiðslu um viðræður um inngöngu Íslands í Evrópusambandið.

Ef óvinsæl ríkisstjórn sem segist ekki vilja inn í Evrópusamband heldur þjóðaratkvæðagreiðslu um að hefja inngönguferli er viðbúið að allir hrekkjóttir menn, og andstæðingar stjórnarinnar, kjósi með, til að fá að sjá svipinn á Evrópusambandinu þegar sendiboðinn færir því fréttirnar um að ríkisstjórn Íslands vilji sækja um aðild, en vilji ekki ganga inn.  Í annað sinn.

Ríkisstjórn getur „rætt við“ hvern sem er án þess að fá til þess sérstakt umboð frá þjóðinni.  Hinar svokölluðu „aðildarviðræður“ eru á hinn bóginn ekki bara hefðbundnar viðræður heldur inngönguferli sem miðar að fullri aðild og felur í sér að löggjöf og stjórnsýslu er kollvarpað með miklum tilkostnaði og fyrirhöfn.   Enginn sækir um aðild að Evrópusambandinu nema ljóst sé að þar liggi að baki einlægur vilji stjórnvalda og ekki síst stór og varanlegur meirihluti þjóðarinnar.  Annað er út í bláinn. 

Það er erfitt að verjast þeirri hugsun að það sé einbeittur ásetningur sumra valdamanna í Sjálfstæðisflokknum að bíta það sem eftir er af fylgi af sér.

Athugasemdir

[Guðbjörg Snót Jónsdóttir (IP-tala skráð) 20.10.2024 kl. 16:04]

Ég held nú, að Áslaug ætti að fara yfir í Viðreisn, sem var Þorgerður Katrín stofnaði beinlínis til þess að komast inní það "himnaríki", sem henni finnst greinilega ESB vera, því að eins og hún talar, þá kemst ekkert annað að hjá henni en ESB og Evran. Ég held, að Áslaug ætti að fara í Viðreisn, ef hún er byrjuð að kyrja þessi versin lína, í stað þess að hanga þetta í flokki, sem kennir sig við sjálfstæði landsins. Ég segi ekki annað.

[Grímur Kjartansson, 20.10.2024 kl. 16:50]

Ráðherrar og þingmenn sem hringja um nætur í ríkislögreglustjóra til að "fá fréttir" eiga ekki heima á Alþingi

[Guðmundur Karl Þorleifsson, 21.10.2024 kl. 11:42]

Þessi stelpukind ætti að vera til sveita þar sem hún væri best geymd.   Íslendingar hafa oft hafnað inngöngu í ESB og ætti að vera öllum meðalgreindu fólki ljóst!   Tek ofan fyrir þeim er skrifar hér fyrir ofan að hún ´ætti betur heima í Viðreysn, sem aldrei frá stofnun hefur fengið hljómgrunn fyrir þessarri vitleysu frá þjóðinni.  Hversum mörg ár þarf þessi stúlku kjáni að vera á þingi og sem ráðherra til að átta sig á staðreyndum?   Efast ekki um að hér er á ferðinni ágætis kona, en hana vantar þroska og ættjarðarást.  Þeir er börðust fyrir sjálfstæði Íslendinga ætluðust ekki til að yllagefnir Íslendingar með enga föðurlandsást myndu síðan afhenda auðæfi lands og þjóðar fyrir fáeina silfurpeninga.  Vonandi þroskast hún og verður verðug til að sitja á alþingi Íslendinga, en ég hvet engan til að stiðja hana því eins og ljost er þá er hún föðurlandssvikari!