Alltaf sama platið - hin skelegga Birna

Birna Bragadóttir er skelegg í hjálagðri grein.  

Það stefnir í að þessar kosningar verði um hvort hrinda eigi af stað inngönguferli Íslands í Evrópusambandið á ný. Ljóst er að það kostar himinháar upphæðir og mundi setja samfélagið og stjórnmálin í stórkostlegt uppnám. 

Planið er að efna til atkvæðagreiðslu um "viðræður". Hver er svosem á móti viðræðum?  Í skjóli hennar á svo að óska formlega eftir innlimun Íslands í bandalagið með tilheyrandi braki og brestum.  Síðan verður lagt af stað með aðlögun undir yfirskini "viðræðna".  

Áhugamenn um innlimun Íslands í Evrópusamband eiga að reyna að vinna þeirri skoðun fylgi, en ekki að troða Íslandi þar inn með brögðum. 

https://www.facebook.com/photo/?fbid=10161767769642438&set=a.10151431265457438

Athugasemdir

[Ómar Geirsson, 19.11.2024 kl. 16:33]

Jæja Heimssýnar menn, þið bara toppið ykkur.

Enginn Pútín í dag, í stað þess vísið þið á grein frambjóðanda í flokki sem hefur aðeins haft eitt þingmál í langan tíma.

Innlimun þjóðarinnar í ESB með samþykkt bókunar 35.

Það er enginn svo heimskur að sjá ekki samhengi milli þess að að samþykkja bókun sem kveður á um að lög og reglur Evrópusambandsins séu æðri lögum þjóðarinnar, og þess að þar með er restin af sjálfstæði okkar fokið út í verður og vind.

Nema þið hjá Heimssýn með því að vísa í þessa grein, frambjóðenda flokks sem hefur sitt eina þingmál að samþykkja bókun 35.

Maður gæti spurt sig hvað er að ykkur, en maður gæti líka spurt sig hvaða húsbændum þið þjónið??

Svarið við því er ekki beint augljóst.

Kveðja að austan.