106 ára afmæli fullveldis

Samningurinn um samband Íslands og Danmerkur sem gekk í gildi 1. desember 1918 er hápunktur sjálfstæðisbaráttu sem segja má að hafi hafist með hugvekju Jóns Sigurðssonar árið 1848 og lokið, að því leyti sem sjálfstæðisbaráttu lýkur nokkurn tímann, á Þingvöllum 17. júní árið 1944.

Fullveldi var Íslandi tvímælalaust mikið gæfuspor og með sambandslagasamningnum var lagður skýr og óumdeilanlegur grunnur að fullum skilnaði Íslands og Danmerkur 25 árum síðar. 

Á síðustu árum hefur sífellt orðið skýrara að sjálfstæðisbaráttunni lauk ekki árið 1944.  Hún er sífelluverkefni, sem ekki dugir að dotta lengi yfir. Erlend öfl sækjast eftir yfirráðum á Íslandi af ýmsum ástæðum og ástæða er til að vera á varðbergi. Minnumst þess, um leið og við gleðjumst á afmælinu!