Undarleg hugmynd og greiningar Benediks, Hjartar og Jóns

Líklega er furðulegasta hugmynd síðari ára sú að það sé Íslendingum til hagsbóta að fela stjórnvald á Íslandi í hendur aðila sem ekki eru kosnir af fólkinu í landinu og er skítsama um hvort Ísland flýtur eða sekkur.  

Þá sjaldan spurt er hvernig meintur gróði af aðild verður til eru svörin jafnan út í bláinn og oft svo margorð að augljóst er að markmiðið er að hlustendur og lesendur tapi þræði og hætti að hugsa um málið. 

Margir taka til máls um svokölluð Evrópumál þessa dagana.  Flestir gera það til að brýna nýkjörna Alþingismenn, svo landsmálin fari ekki öll í uppnám með nýrri umsókn um aðild að Evrópusambandinu.  Í dag er sérstök ástæða til að vekja athygli eftirtöldum skrifum:

 

Í fyrsta lagi grein Benedikts Gíslasonar, bankastjóra Aríonbanka, þar sem fjallað er um leiðir til að lækka vexti.  Eins og við mátti búast er hvorki upptöku evru né breytingu á lit peningaseðla þar að finna. 

.https://www.visir.is/g/20242659657d/thad-eru-leidir-til-ad-laekka-vexti-ibudalana-viljum-vid-gera-eitthvad-i-thvi-

 

Þá fer Hjörtur J. Guðmundsson yfir nokkur lykilatriði í valdakerfi Evrópusambandsins og drepur m.a. á valdaleysi þjóða sem þó eru tífalt stærri en Íslendingar. 

https://www.visir.is/g/20242660231d/mytan-um-saetid-vid-bordid

 

Þriðju skrifin á lista dagsins eru í ranni Jóns Bjarnasonar, fv. ráðherra og fullveldissinna, en hann greinir stjórnmálin á Íslandi skýrt og skynsamlega.  Það er deginum ljósara að fylgi svokallaðra Evrópuflokka er vegna þess að þeir lögðu blauta drauma um Evrópusambandsaðild til hliðar og héldu þeim alls ekki á lofti.  Ætli menn að hefja vegferð í átt að Evrópusambandinu fer augljóslega allt í háaloft. 

https://jonbjarnason.blog.is/blog/jonbjarnason/

Athugasemdir

[Guðmundur Ásgeirsson, 7.12.2024 kl. 00:27]

Stjórn peningamála á Íslandi er í höndum aðila sem eru ekki kosnir af fólkinu í landinu og er skítsama um hvort heimili landsins fljóta eða sökkva. Kjósendur hafa aldrei verðir spurðir álits á því hvort þeir vildu fela þessum aðilum þetta vald.

Að undanförnu hafa sumir stjórnmálamenn gert athugasemdir við þetta fyrirkomulag. Aðrir sem virðast vilja standa vörð um það hafa í nýlegum greinaskrifum viðrað þær skoðanir að viðkomandi stjórnmálamenn séu einhverskonar brjálæðingar.

Þarf ekki að ræða það af alvöru hvernig þessu fyrirkomulagi eigi að vera háttað án fordómafullra upphrópana?

Er stjórn peningamála ekki lykilþáttur í fullveldi þjóðar?