Rýrt umboð, eina ferðina enn

Fyrir hálfum öðrum áratug síðan sótti ríkisstjórn Íslands um aðild að Evrópusambandinu.  Annar stjórnaflokkanna hafði þá afdráttarlausu stefnu að verja fullveldi Íslands og sækja ekki um aðild.  Stefnuna áréttaði formaður flokksins kvöldið fyrir kjördag.  Flokkurinn sem um ræðir hefur nú engan þingmann.  

Nú er við völd ríkisstjórn þriggja flokka.  Einn þeirra svaraði öllum helstu spurningum, fyrir kosningar, um aðild að Evrópusambandinu og vegferð í þá átt með einu stóru NEI-i.  Hinir flokkarnir öfluðu sér fylgis með því að láta sem allra minnst bera á áhuga sínum á að innlima Ísland í Evrópusambandið. 

Spyrja má um umboð stjórnarinnar til að taka skref í átt að aðild að Evrópusambandinu.  Og svo má líka spyrja um spurningarnar sem týndust.  Þær voru í skoðanakönnun Evrópusinna sl. sumar og voru um áhuga kjósenda á flokkum sem vilja Evrópusambandsaðild. 

Svörin voru aldrei birt, eins og Hjörtur rifjar upp:

 https://www.stjornmalin.is/?p=3022

Tveir af núverandi stjórnaflokkum fengu stóran hluta af fylgi sínu þrátt fyrir áhuga sinn á Evrópusambandinu, ekki vegna hans.  Þriðji flokkurinn fékk drjúgan hluta af fylgi sínu vegna þess að hann lofaði að styðja við fullveldi Íslands og gera ekkert til að koma Íslandi nær gini sambandsins. 

Athugasemdir

[Óskar Helgi Helgason (IP-tala skráð) 14.1.2025 kl. 21:54]

Komið þið sæl - einn ganginn enn; Haraldur !

Hversu oft; þarf jeg að benda ykkur Heimssjáendum, á hvers lags undirmálsmann þið berið á herðum ykkar, sem hinn ómerki Hjörtur J. Guðmundsson hefur sannað sig í, að vera ?

Eruð þið; búin að gleyma, þá þessi loddari hljóp undir bagga með Katrínu Jakobsdóttur í fyrrasumar, þá hún reyndi að vjela landsmenn til fylgis við Bessastaða setu hennar, í svo nefndum forseta kosningum ?

Jeg tel mig geta fullyrt; að frændi minn:: Mörður heitinn Valgarðsson hafi verið heilsteyptari manngerð á sinni tíð, en títtnefndur Hjörtur J. Guðmundsson muni nokkurn tíma mega kallazt: ykkur hrekklausu Heimssýnar fólkinu til ábendingar, einn ganginn enn.

Með; reyndar blendnum kveðjum af Suðurlandi, að þessu sinni /    

[Glúmm (IP-tala skráð) 14.1.2025 kl. 22:51]

Með þingsályktun nr. 1/137, sem samþykkt var 16. júlí 2009, ályktaði Alþingi að fela ríkisstjórninni að leggja inn umsókn um aðild Íslands að Evrópusambandinu. Skiptir þá engu hvað pólitíkusar, ráðherrar, stjórnmálaflokkar eða saumaklúbbar óska og vilja, Alþingi hefur talað. Spyrja má um umboð ríkisstjórna til að klára ekki viðræður sem Alþingi hefur ályktað að skuli fara fram. 

Á Alþingi eru fulltrúar þjóðarinnar, kosnir af þjóðinni. Ríkisstjórn er sett af forseta, ekki kosin af þjóðinni og starfar ekki með umboð frá þjóðinni. Það er varla eðlilegt og eftirsóknarvert að umboðslausir ráðherrar komist upp með að hundsa ályktanir kosinna fulltrúa þjóðarinnar, jafnvel þó Heimssýn vilji það allra helst.