Stóri misskilningurinn

Goðsögninum "samningarviðræður" við Evrópusambandið lifir enn í einhverjum afkimum samféalgsins.  Einverjir virðast telja forvitnilegt að kanna hvað fáist í svokölluðum viðræðum.  Í því sambandi þarf að huga að þessu:

 

1. Það stendur ekki til boða af hálfu Evrópusambandsins að semja um varanlegar undanþágur frá reglum sambandsins.  Það hefur margoft komið fram, meðal annars á frægu myndbandi hér:

https://www.youtube.com/watch?app=desktop&v=0O4fkcYwpu8&fbclid=IwY2xjawH54TsBHVsfdOa48BJBJ5yQ9p6D_wFc9A8Je5ChlGaYR4XqA9JDrtNO3yUa_-Yt1g

Samningar við einstök ríki fyrir mörgum áratugum síðan eru ekki fordæmi.  Þá giltu aðrar reglur en gera nú.

 

2. Evrópusambandið hefur svo miklar og víðtækar valdheimildir gagnvart aðildarríkjum að því er í lófa lagið að knýja fram hvers konar breytingar á hvaða samningum sem er.

 

3. Það verður ekki samið um hvernig lög Evrópusambandsins verða í framtíðinni. Það veit enginn hvernig þau verða og hverju þau eiga að bregðast við.  Það eina sem er víst er að aðildarríkin, sérstaklega þau litlu, þurfa að fylgja lögunum. 

 

 

Athugasemdir

[Glúmm (IP-tala skráð) 19.1.2025 kl. 14:49]

Það er þá lítið mál að hafna aðild ef þjóðin er ósátt við samninginn. Og verði farið inn er ekki mikið meira mál að ganga út telji þjóðin það sér hagstæðast.

Grundvallaratriðið er að þjóðin ráði framhaldinu en ekki einhverjir dúddar sem hræðast vilja þjóðarinnar. Látum þjóðina ráða.

[Guðmundur Ásgeirsson, 19.1.2025 kl. 17:13]

Glúmm.

Hérna er samningurinn: Lissabon-sáttmálinn | EEAS

Þið hafið fengið 12 ár til að "kíkja í pakkann".

Útganga úr ESB er talsvert meira mál en innganga. Útganga Bretlands tók 4 ár og reyndist þeim mjög erfið.

Svo leyfir íslenska stjórnarskráin ekki ESB aðild og engin þjóðaratkvæðagreiðsla getur breytt því. Það væri því markleysa og sóun á tíma og fjármunum að halda slíka atkvæðagreiðslu.

[Glúmm (IP-tala skráð) 19.1.2025 kl. 18:48]

Dúddi,,sorrí,,,Guðmundur, útganga Bretlands tók 4 ár og sýndi að það sem tapast við útgöngu, eða fæst við inngöngu, er einhvers virði og var erfitt fyrir Breta að missa. Útgangan tók 4 ár vegna þess að Bretar báðu endalaust um frest og ætluðu sér út án þess að missa nokkuð það sem aðild veitti. ESB var tilbúið til slita frá fyrsta degi.

Ef íslenska stjórnarskráin leyfir ekki ESB aðild þá er ekki neitt mál fyrir þjóðina að breyta því. Breyting á stjórnarskránni er ekki óþekkt og hefur oft verið gerð.

Kjósum um framhald viðræðna. Kjósum um aðild. Kjósum um breytingu á stjórnarskrá. Og ef þjóðinni líkar ekki aðildin kýs þjóðin um útgöngu.

Eitt skref í einu og látum þjóðina ráða hvort næsta skref verði tekið.

[Guðmundur Ásgeirsson, 19.1.2025 kl. 21:33]

Stjórnarskránni verður ekki breytt með þjóðaratkvæðagreiðslu, það er einfaldlega ekki leyfileg aðferð.

Það er ekkert "framhald viðræðna" til að kjósa um því það er ekkert til að semja um í slíkum viðræðum. Ef ríki sækir um aðild og það er samþykkt þarf það að undirgangast sáttmála ESB sem ég vísaði til í fyrri athugasemd og hafa legið fyrir í íslenskri þýðingu í 12 ár. Þeir sáttmálar eru ekki umsemjanlegir en þeir fela í sér hluti sem stjórnarskráin leyfir ekki. Þess vegna mega íslensk stjórnvöld ekki sækja um aðild að ESB.

ESB gerir auk þess kröfu um að aðildarríki gangist í ríkisábyrgð fyrir tryggingum á bankainnstæðum en Íslendingar hafa tvisvar hafnað því í bindandi þjóðaratkvæðagreiðslum. Um þetta er því þegar búið að kjósa og þjóðin svaraði neitandi.

[Glúmm (IP-tala skráð) 19.1.2025 kl. 22:37]

EF breyta þarf stjórnarskrá verður það gert með sömu aðferð og ætíð áður hefur verið gert. Ekkert sem vefst fyrir neinum nema ykkur dúddunum sem hræðist þjóðarvilja.

Ef ekkert er til að semja um ættu viðræður að taka skamman tíma og þjóðin átt auðvelt með að gera upp hug sinn. EF stjórnarskráin heimilar ekki inngöngu mátti samt sækja um. Umsóknin var ekki innganga og komi til þess að innganga verði á dagskrá þá þarf sjálfsagt ýmsu að breyta. Ekkert óyfirstíganlegt fyrir þjóðina þar.

Icesave kosningarnar voru ekki um ævarandi algert bann á  ríkisábyrgð fyrir tryggingum á bankainnstæðum. Það var ekki einu sinni spurt um það.

[Helga Kristjánsdóttir, 20.1.2025 kl. 12:54]

Við höldum okkar sjálfsstæði hvað sem esb viltir reyna að troða okkur þangað,-flytjið bara sjálfir í ehv.rýki esb.

[Glúmm (IP-tala skráð) 20.1.2025 kl. 14:43]

Þeim sem ekki eru sáttir við vilja þjóðarinnar er velkomið að flytja annað.