Nú reynir á samstöðuna innan ESB

The Guardian segir frá því í morgun (28. janúar 2025) að Mette Frederiksen, forsætisráðherra Danmerkur, sé nú á leið til Berlínar, Parísar og Brussel til að leita eftir samstöðu um viðbrögð við áhuga Donalds Trump, forseta Bandaríkjanna, á að komast yfir Grænland.

Í yfirlýsingu frá henni sem birt var á dönsku sagði: „Danmörk er lítið land með sterka bandamenn. Hún er hluti af sterkri evrópskri samfélagsheild þar sem við getum sameiginlega mætt þeim áskorunum sem við stöndum frammi fyrir. … Með stríð á meginlandinu og breytingum á alþjóðlegum veruleika er ... samstaða lykilatriði

Í heimsókninni í Berlín sagði hún m.a.: "Við þurfum sterkari og ákveðnari Evrópu sem stendur sjálfstæðari, fær um að verja og efla evrópska hagsmuni. Það er undir Evrópu komið að skilgreina framtíð álfunnar okkar."

Á sama tíma hefur Kaja Kallas, utanríkismálastjóri Evrópusambandsins, lýst yfir stuðningi við Danmörku en dregið úr vægi viðræðna um Grænland. Hún sagði: "Við erum ekki í viðræðum um Grænland" og bætti við að ekki ætti að velta sér upp úr getgátum um hvað ef, þar sem það væri ekki staðan núna. Nú reynir á leiðtoga ESB landanna að sýna að þeir geti náð samstöðu sem skilar árangri.

Greinilegt er að "Plan B" hefur ekki verið útbúið í Brussel, þ.e. viðbrögð við því að nýr forseti Bandaríkjanna meinti það sem hann segir.

 

https://www.theguardian.com/world/live/2025/jan/28/denmark-greenland-mette-frederiksen-donald-trump-europe-latest-live-news?utm_source=chatgpt.com

Athugasemdir

[Ómar Geirsson, 28.1.2025 kl. 15:53]

Æ félagar, eða voru einu sinni áður en þið gerðust taglhnýtingar Pútíns, á hvaða vegferð eruð þið??

Svo sem alveg þarft verk að benda á veikleika ESB, en sú ábending getur aldrei verið í anda Páls Vilhjálmssonar sem talar opinskátt um snúning tímahjólsins 90 ár aftur í tímann.

Hvað sem Páli gengur til, þá getið þið ekki verið svona heimskir hjá Heimsýn, það er allavega þið, ef þið eruð þá til, þau ykkar sem fordæma Pútín og árásarstríð hans.

Flest ykkar ættuð að vera á þeim aldri að vita afleiðingar svona árásarstríða.

Smánin varðandi réttlætinguna á árásarstríði Pútíns, og núna þess í raun sem má túlka sem stuðning við sama yfirgang núverandi forseta Bandaríkjanna, smánar um leið hina heilögu kröfu um sjálfstæði þjóðarinnar. 

Um sjálfstæði okkar Íslendinga.

Nema í alvöru meintir félagar í Heimssýn, það er enginn svona heimskur eins og þessi pistill gefur sér sem forsendu, sjálfstæðir Íslendingar vita að að sjálfstæði þjóðarinnar byggist á sjálfsákvörðunarrétti þjóða um að ráða málum sínum sjálfar, óháð vilja hinna stærri sem vilja ráða yfir þeim, kúga og yfirtaka.

Það er enginn svona heimskur, og allra síst í félagsskap eins og Heimssýn er, félagsskap um að sjálfstæði þjóðar okkar sé virt, að við göngum ekki aftur erlendu valdi á hönd.

Samt eruð þið svona heimskir, fyrrum félagar mínir í Heimssýn, eins og einhver annar sé svo heimskur að trúa að þið séuð svona heimskir.

Þar með afneita hinu augljósa, að þið gangið erinda erlends valds.

Valds sem vill yfirtaka sjálfstæði þjóðarinnar.

Þið eruð ekki fyrstu kvislingarnir sem tala um sjálfstæði þjóðar, á meðan þið vinnið fyrir erlent vald, og sjálfsagt ekki þeir síðustu, það er ef heimurinn lifir af átök hins liðna, afturhvarfið til Evrópu á þriðja áratug síðustu aldar.

Og líklegast mun finnast einhver einfeldningurinn sem trúir ykkur ennþá og telur ykkur afl gegn ásælni ESB, þar sem ríkisstjórn Kristrúnar Frostadóttir ætlar í ESB með góðu eða illu.

Að þið séuð svona riddararnir gegn herrunum sem keyptu ykkur sem málaliða kvislingsins.

Get samt haft rangt fyrir mér, kannski eruð þið bara svona heimskir.

En þar með er skaðræði ykkar aðeins meira.

Hvort er betra, kvislingurinn eða sá heimski, ég hef ekki þekkingu eða reynslu til að svara þeirri spurningu.

Bendi samt á þriðju leiðina.

Sem er að standa vörð um sjálfstæði þjóðarinnar, að standa vörð um sjálfstæði allra þjóða gegn yfirgangi og ofríki hinna stærri.

Og það tel ég að jafnvel heimskt fólk skilji.

Kveðja að austan.

[Guðmundur Ásgeirsson, 28.1.2025 kl. 20:30]

Grænland er ekki í ESB og ekki í Evrópu. Bandaríkin eru ekki Ameríka heldur eitt af mörgum ríkjum þeirrar álfu.