Fimm ný tromp, sem hvert um sig dugir

Aðstæður eru breyttar frá því sem var 2009, þegar Ísland sótti um aðild að Evrópusambandinu.  

Hér eru fimm stórar breytingar:

 

1. Það er ekki kreppa á Íslandi. Viðvarandi kreppa er í Evrópusambandinu

 

2. Eitt helsta viðskiptaland Ísland, Bretland, er gengið úr sambandinu. Bretland gekk líka úr EES, en það reyndist vandræðalaust að semja um áframhaldandi viðskiptakjör

 

3. Evrópusambandið er í tollastríði við Bandaríkin. Með aðild að Evrópusambandinu væri Ísland aðili að tollastríðinu með gríðarlegum og óþörfum herkostnaði

 

4. Evrópusambandið á í blóðugu stríði í A-Evrópu og sambandið ætlar að vígvæðast sem aldrei fyrr. Þegnarnir borga

 

5. Í ljós kom í Brexit að ekki er ætlast til að ríki yfirgefi sambandið. Bretar komust út í krafti stærðar sinnar og mikilvægis bresks markaðar fyrir það sem eftir er af Evrópusambandinu.  Smáríki eru ekki mjög mikilvægur markaður, þau munu ekki komast vandræðalaust út

 

Ekki gekk að koma Íslandi inn í Evrópusambandið á árunum eftir umsóknina árið 2009.  Fyrst það gekk ekki þá hljóta líkurnar að vera hverfandi á að það takist núna.  Hvers vegna á þá að leggjast í gríðarlegan kostnað við að reyna það?

 

 

Athugasemdir

[Erna Bjarnadóttir, 28.4.2025 kl. 07:55]

Puttinn á púlsinum :)

[Guðbjörg Snót Jónsdóttir (IP-tala skráð) 28.4.2025 kl. 10:46]

Það hefur löngum verið staðreynd og sagt sig sjálft, að við höfum ekkert þabgað inn að gera og höfum aldrei þurft þess. Þetta er bara meinloka, sem hrærist í hausnum á ÞKG, líkt og meinlokan um Grænland er í hausnum á Trump. Við höfum marg sýnt það og sannað, að við komumst ágætlega af án ESB og þurfum ekkert á því að halda, og höfum aldrei gert. Það veit hver heilvita maður, og öllum ljóst nema þá ÞKG, sem vonast líklegast eftir einhverjum frama og feitum bitling fyrir sjálfa aig - hver veit. Það er ómögulegt að skilja eða vita, hvað þessi manneskja er að hugsa með þessarri þversku sinni. Þjóðin segir nei við ESB, þótt hún vilji ekki skilja það né vita, og þar við stendur.