Dagur öryggis

Dagur B. Eggertsson leitar í örvæntingu að ástæðu fyrir því að ganga í Evrópusambandið og hann kemst að því í nýlegri Moggagrein að Íslendingar verði fyrst öruggir þegar þeir gerast þegnar í sambandinu.

Af lagni tekst honum að skauta framhjá þeirri grundvallarstaðreynd að Íslandi er á áhrifasvæði Bandaríkjanna og Breta.  Þau veldi munu aldrei líða að ríki þeim fjandsamlegt fengi fótfestu á Íslandi.

Ekki segir hann heldur neitt um að stríðsæsingur valdamanna í Evrópusambandinu er meiri en hann hefur verið í mannsaldur.  Sambandið ætlar að vígvæðast fyrir himinháar upphæðir, enda er það í blóðugu stríði í A-Evrópu.  Allt bendir til þess að Íslendingar hafi minni en engan áhuga á því að borga þann reikning, enda væri jafngott, ef ekki betra, að sturta þeim peningum í sjóinn.

Athugasemdir

[Ragnhildur Kolka, 3.5.2025 kl. 09:06]

Hvernig halda svo menn að reikningurinn líti út þegar ESB þarf að fara í endurreisn Úkraínu.

[Jónatan Karlsson, 3.5.2025 kl. 11:47]

Já Ragnhildur, talandi um Úkraínu kostnað!

Ég bíð enn spenntur eftir texta og myndum af 1,6 milljarða færanlega sjúkrahúsinu sem þær Katrín og Þórdís gáfu fyrir hönd íslenskra skattgreiðenda hérna um árið, eða var það allt bara uppspuni?