Vill embættismaður komast í feitt?

Árni Þór Sigurðsson heitir embættismaður utanríkisþjónustu Íslands. Hann virðist hafa komist að því að Íslendingar eigi að gerast þegnar í Evrópusambandinu og segir frá því í grein í Vísi.

Rök Árna Þórs eru að það þurfi að verja "pólitísk, menningarleg og siðferðileg gildi".  Margt skrýtið hefur komið fram í fullveldisumræðunni, en það tekur flestu fram hvað furður varðar, að það þurfi að afhenda gömlu evrópsku nýlenduveldunum völdin á íslandi til að verja þessi gildi.

Þegar rök af þessu tagi eru kynnt er ljóst að annað býr undir.

Það er mál margra að starfsmenn utanríkisþjónustunnar séu ákafamenn um innlimun Íslands í Evrópusambandið og ráði þar von um pláss fyrir þá sjálfa í kró þar sem vel er gefið.  Hér skal ekkert um það sagt, en skrif Árna Þórs vekja óneitanlega upp slíkar hugrenningar. Honum verður að hrósa fyrir heiðarleika um eigin hugmyndir gagnvart vinnuveitendum sínum.

Samband Árna Þórs við Evrópusambandið er reyndar sérstakt.  Árið 2009 var hann í framboði fyrir stjórnmálaflokk sem tók einarða afstöðu gegn innlimun Íslands í Evrópusambandið fyrir kosningar. Örskömmu eftir kosningarnar greiddi hann atkvæði með umsókn þar að lútandi á Alþingi.  Skoðanir Árna Þórs eru því ekki alveg nýjar af nálinni. 

 https://www.visir.is/g/20252734441d/brimrot-og-vedragnyr-i-althjodamalum

Athugasemdir

[Guðbjörg Snót Jónsdóttir (IP-tala skráð) 5.6.2025 kl. 13:27]

Þá er gann ebgy skárri en ÞKG sjálf, sem virðist vera með glýju í augum og væntir þess, að fá sæti við aðalborðið í Brüssel, en ég furðaði mig á því, að gamall þingmaður VG skuli ganga með slíka drauma, því að VG hefur hingað til verið yfirlýstur andstæðingur EBS-aðildar, þar sem þetta er kjarninn úr gamla Alþýðubandalaginu, sem vildi ekki sameinast Alþýðuflokknum á sínum tíma, þegar boðað var til stofnfundar Samfylkingarinnar, og Alþýðubandalagið klofnaði því. Maður spyr sjálfan sig, hvar í flokki eða pólitík Árni Þór stendur eiginlega, þegar hann er farinn að hvetja til ESB-aðildar. Þó að VG hafi staðið að þessarri umsóknarvitleysu vinstri stjórnar Jóhönnu og Steingríms,,þá hefur VG alltaf verið andstæðingur ESB-aðildar, mér vitanlega. Þetta er því alveg óskiljanleg tala af Árna Þórs hálfu, - og furðuleg líka. Ég get ekki sagt annað.