Landráð?

Hvað gerir þjóð þegar margir af fulltrúum hennar sem valdir hafa verið til löggjafar ganga meðvitað til þess verks að brjóta stjórnarskrá, færa erlendu stórveldi aukið vald á Íslandi, undir hótunum um refsiaðgerðir, verði valdið ekki framselt?

Um svona lagað hefur verið notað orðið "landráð".  Margir tengja það við blóðugar styrjaldir þar sem menn taka sér stöðu með liði sem aðrir telja að þeir eigi ekki að styðja, en merkingin er auðvitað víðtækari. 

Kæra hóps manna sem sagt er frá í hjálögðum tengli kann að hljóma undarlega í eyrum sumra, en þegar betur er að gáð er hún rökrétt viðbrögð við fyrirætlun stjórnvalda um lögfestingu bókunar 35.

https://arnarthorjonsson.blog.is/blog/arnarthorjonsson/entry/2315027/

 

Athugasemdir

[Guðmundur Ásgeirsson, 14.6.2025 kl. 21:01]

Stórfurðulegt uppátæki. Ekkert við hinn kærða verknað samræmist verknaðarlýsingum neinna ákvæða í X. kafla almennra hegningarlaga um landráð. Auk þess segir í lokagrein þess kafla:

97. gr.
Mál út af brotum, sem í þessum kafla getur, skal því aðeins höfða, að ráðherra hafi lagt svo fyrir, og sæta þau öll meðferð sakamála.

Hversu líklegt er að sitjandi dómsmálaráðherra leggi svo fyrir að láta ákæra sitjandi utanríkisráðherra fyrir landráð?

Landráð er stórt orð en í þessari kæru er verið að gera lítið úr því og fara fram með alvarlegar ásakanir að tilhæfulausu. Svipað og ef lögð væri fram kæra fyrir tilraun til manndráps á hendur manni sem rakst óvart utan í annan á förnum vegi.