Regluverk ESB hentar hvorki Íslandi né ESB!

Á undanförnum áratugum hefur regluverkið í Evrópusambandinu þanist út og starfsmenn í hverju skrifstofuhorni í höfuðborgum álfunnar hamast við að skoða hvort samstarfsmenn og aðrir fari reglum, svona eins og að lögreglumaður væri á hverju götuhorni að hafa auga með vegfarendum. Í ViðskiptaMogganum í dag segir Haraldur Þórðarson forstjóri Skaga að regluverkið á íslenskum fjármálamarkaði sé hannað fyrir mun stærra markaðsumhverfi sem geri það að verkum að fjármálaþjónusta á Íslandi sé dýr miðað við það sem gengur og gerist annars staðar. Haraldur er alls ekki einn um þessa skoðun. Hún er útbreidd í öllu Evrópusambandinu. Forstöðumenn fjármálaeftirlita, m.a. hér á Íslandi, hafa ítrekað haldið svipuðu fram, nefnilega því að stórir hópar starfsmanna væru löngum stundum að tikka í óþörf box um að allt væri í lagi í stað þess að einbeita sér við það sem raunverulegum vanda gæti valdið. Mál er að linni.

Sjá m.a. hér:

Of flókið regluverk!

Athugasemdir

[Guðmundur Ásgeirsson, 3.7.2025 kl. 00:20]

Regluverk EES á sviði neytendaverndar hentar íslenskum neytendum frábærlega eins og öðrum og góðu fréttirnar eru þær að við þurfum ekki að vera í ESB til að innleiða það hér á landi.

Því miður hafa fjármálafyrirtækin aldrei haft mikinn áhuga á að fylgja því regluverki og oft getað komist hjá því, gjarnan í skjóli annmarka á innleiðingu regluverksins.

Þetta þarf að laga, íslenskum neytendum til hagsbóta.