Forskirftinni fylgt!

Eitt af því sem Evrópusambandið leggur þunga áherslu á í tengslum við aðildarumsóknir er að fá almenning í umsóknarríkjum með í lið. Þetta kemur fram í margvíslegum gögnum frá sambandinu, þar á meðal í bæklingnum "Understanding enlargement" en í honum segir orðrétt að tryggja verði "stuðning almennra borgara" og að mikilvægt sé að „miðla betur árangrinum af stækkuninni og áskorunum vegna hennar til þess að afla stuðnings almennings.

Af þessum sökum hefur sambandið beitt sér sérstaklega fyrir því að efla samtal í umsóknarríkjum m.a. á vettvangi stéttarfélaga, neytendasamtaka og annarra félagasamtaka.

Í ljósi þessa er áhugavert að sjá hvernig ríkisstjórnin hyggst verja tugum milljóna króna af skattfé í "lýðræðislega umræðu" í aðdraganda þjóðaratkvæðis um hvort hefja skuli viðræður við ESB. Þar er sérstaklega minnst á stéttarfélögin. Það er augljóslega ekki tilviljun, nei alls ekki heldur er forskrift Evrópusambandsins fylgt í hvítvetna.

Athugasemdir

[Guðmundur Ásgeirsson, 7.7.2025 kl. 01:48]

Hvers vegna lét formaðurinn þess ekki getið í næstum 19 mínútna löngu viðtali í þættinum Sprengisandi á Bylgjunni í dag að stjórnarskráin leyfir ekki aðild Íslands að ESB? Vilja samtökin ekki nota þau óhrekjanlegu rök í meginbaráttumálinu?

Ætla samtökin að sækja um fjárveitingu og nota hana til að vekja athygli almennings á þessari einföldu staðreynd?

P.S. Ég gæti sagt ykkur ýmislegt um samskipti útsendara ESB við félagasamtök sem gæti nýst í baráttunni ef þið hefðuð áhuga en ég bíð enn eftir því að haft sé samband í því skyni.