Óheilindi í stjórnmálum

Ýmis undarlegheit hafa átt sér stað í samskiptum Íslands og Evrópusambandsins að undanförnu.  Allt bendir það til þess að ætlunin sé að koma Íslandi í sambandið með hraði, án þess að vitræn umræða eigi sér stað um málið.

Það gefur tilefni til að rifja upp stefnu stjórnarflokkanna fyrir síðustu kosningar.

Flokkur fólksins var spurður eftirfarandi spurningar:

Mun flokkurinn á næsta kjörtímabili styðja það að tekin verði skref í áttina að inngöngu í Evrópusambandið, til dæmis með þjóðaratkvæðagreiðslu um hvort sótt verði á ný um aðild að sambandinu?

Svar Flokks fólksins: Nei.

Samfylkingin setti Evrópuaðild meðvitað „á ís“ og uppskar við það verulega fylgisaukningu.

Viðreisn talaði í sífellu um Evrópusambandsaðild og var með lítið fylgi í könnunum. Flokkurinn tónaði Evrópumál niður fyrir kosningar og lagði þess í stað aðrar áherslur, m.a. á geðheilbrigðismál.  Það skilaði sér í verulegri fylgisaukningu.

 

Hefði ekki verið heiðarlegra að segja fyrir kosningar að viðkomandi flokkur vildi gera allt sem í hans valdi stæði til að flytja stjórnavaldið til Evrópusambandsins, ef það var í raun ætlunin?

   

 

 

Athugasemdir

[Guðmundur Ásgeirsson, 26.7.2025 kl. 00:43]

Evrópusambandið reynir núna að ljúga því að umsóknin sem starfsfólk þess staðfesti við mig fyrir 10 árum að hefði verið dregin til baka hafi aldrei verið "formlega" dregin til baka.

Ég hef engan áhuga á því að ganga í lygabandalag.