Áhyggjur utanríkisráðherra og annað

Nú leggja Bandaríkjamenn tolla á vörur frá Íslandi.  Þannig væri það ekki ef fríverslunarsamningur væri í gildi milli þjóðanna. 

Hvers vegna er ekki fríverslunarsamningur milli Íslands og BNA?

Getur verið að tæknilegar hindranir sem fljóta til Íslands í gegnum EES-samninginn komi í veg fyrir að BNA sjái sér fært að gera slíkan samning við Íslendinga?  

Hvað ætlar utanríkisráðherra að gera í málinu, annað en að hafa áhyggjur?

 

Athugasemdir

[Guðmundur Ásgeirsson, 2.8.2025 kl. 01:50]

Eru ekki einhver þeirra ríkja sem Bandaríkjaforseti er núna að leggja tolla á þegar með fríverslunarsamninga sem eru sniðgengnir með þessum ákvörðunum? Hefði það þá einhverju breytt ef Ísland væri með slíkan samning sem væri líka sniðgenginn?

Ég er þó fyllilega sammála því að auðvitað væri best fyrir Ísland að hafa fríverslunarsamning við Bandaríkin sem væri virtur og ekkert í EFTA samstarfinu útilokar slíka samningsgerð.