Forsætisráðherra gefur þjóðinni róandi

Forsætisráðherra fullyrðir í Morgunblaðinu í gær að hún "eyði ekki tíma í Evrópusambandið". Þetta hljómar eins og sagt til að róa þjóðina eftir atburði sumarsins. Hvort sem það er yfirlýsing um að fylgja utanríkisstefnu ESB og þar með þátttaka í refsiaðgerðum og hernaðarbrölti, samstarf í sjávarútvegsmálum (sem þó er líkast til dulmál sem eftir er að brjóta kóðann á), hótanir ESB um tolla í trássi við EES samninginn sem það þurfti að bakka með 18. ágúst sl., nú eða fundir með æðstu ráðamönnum sambandsins.

Það er heldur ekki bara tíminn sem fer í Brussel heldur líka peningarnir. Milljarðar úr ríkissjóði, sem enginn minntist á í fjármálaáætluninni í sumar. Milljarðar sem hefðu mátt fara í það aðhald sem fjármálaráðherrann boðar.

Hljóð og mynd fara einfaldlega ekki saman. Og þegar menn vakna upp af Brussel-óráðinu situr þjóðin eftir með timburmennina, líklega þó örðuvísi en eftir venjulega Menningarnótt á ágústkvöldi. Það verða timburmenn af reikningunum sem koma upp úr ferðatösku utanríkisráðherra á Saga Class.

Já, hér er boðið upp á róandi frá Stjórnarráðinu og hausverk frá Brussel.

Athugasemdir

[Helga Kristjánsdóttir, 24.8.2025 kl. 14:45]

Vá; Candy floss,æði!

[Guðbjörg Snót Jónsdóttir (IP-tala skráð) 24.8.2025 kl. 18:17]

Það getur vel verið, að Kristrún horfi inn á við og vilji, að stjórn sín geri það og snúi sér að fjármálum og öðrum brýnum málum innanlands, en Þorgerður fylgir henni ekkert eftir, enda hefur hún ESB algerlega á heilanum og sér ekkert nema það draumaland sitt, segir líkt og Jóhannes úr Kötlum orti á sinni tíð:"SovétÍsland óskalandið, hvenær kemur þú??", sem hjá Þorgerði hljómar: "ESB'Island óskalandið, hvenær kemur þú?" Jóhannesi varð aldrei að ósk sinni, og vonandi verður Þorgerði ekki að ósk sinni heldur, en hún hefur þetta algerlega á heilanum, og gefur skít í stefnu forsætisráðherra. Eiginlega má segja, að stjórnin sé klofin, og tvvær ríkisstjórnir í landinu. Annars vegar er Kristrún með sína ríkisstjórn, og svo er Þorgerður ein á báti, og hvor þeirra með sína stefnu. Þorgerður virðir ekki, að Kristrún sé forsætisráðherra, og sú, sem ræður stefnu stjórnarinnar, eins og hefur verið alla tíð með ríkisstjórnir. Þorgerður fer bara sína leið með sína stefnu, og heldur, að hún geti verið utanríkisráðherra, sem öllu á að ráða. Manneskjan er bara alls ekki með sjálfri sér. Það er nokkuð augljóst. Kristrúnu vantar alveg burði til þess að láta hana vita, að það sé forsætisráðherra, sem ráði stefnu stjórnarinnar, og ef Þorgerður vilji vera með í þessarri ríkisstjórn, þá verði hún að virða það, og láta sig hafa það, að þessi ESBmál séu ekkert á dagskrá að sinni. Þetta er mesta ófremdarástand í þessum málum í dag, og það bíða flestir eftir því, að stjórnin fari sem fyrst frá. Þetta getur ekki gengi svona mikið lengur. Það er nokkuð augljós.

[Helga Kristjánsdóttir, 24.8.2025 kl. 22:51]

Þetta verkar líka svona á mig Guðbjörg Snót-róandi frá; stjórnarráðinu og hausverk frá Brussel.- Það er orðinn allt of langur tími liðinn frá því venjuleg ríkisstjórn var við völd.

Þegar stjórnmálaflokkar hétu nánast það sem þau börðust fyrir en þá skall á "heimskreppa" almenningur tók að lemja búsáhöld til að mótmæla a.m.k.þeirri sem Jóhanna og Steingrímur mynduðu,lengra nær minni mitt ekki núna.