Mótsagnir ársins

Hópur stjórnmálamanna vill að stjórnvald á Íslandi verði fært aðilum sem engin leið er fyrir Íslendinga að kjósa burt, né fá til að skila valdinu.  Stjórnmálakerfi af því tagi voru algeng á 20. öld, en liðu undir lok. Fáir sakna þeirra og allra síst margir úr fyrrnefndum hópi, sem þó vill feta þessa gömlu slóð, rakleitt í ófæruna.

Hópur stjórnmálamanna vildi hækka veiðigjald og lagði á það mjög mikla áherslu nýverið.  Úr sama hópi vilja margir gangast undir vald Evrópusambandsins.  Ef það gengi eftir yrði ekki króna innheimt í veiðigjald þegar fram í sækti, og reyndar óvíst hvort nokkur sporður kæmi á land á Íslandi eftir fáein ár.

Ætli það sé nokkur leið að trompa svona mótsagnir?  Eiga þær ekki frekar heima í gamanleik, en í stjórnmálaumræðu?