Formaður Framsóknar ekki í evruhugleiðingum

Jón Sigurðsson, formaður Framsóknarflokksins, sagði í samtali við Ríkissjónvarpið í kvöld að ekkert bendi til þess að krónan fari að skipta minna máli og að upptaka evrunnar sé ekki í sjónmáli nú fremur en áður. Jón sagði núverandi aðstæður í efnahagsmálum þjóðarinnar tímabundnar og að aðalatriðið í þessum efnum væri að Íslendingar ættu að taka sínar eigin ákvarðarnir í þessum málum út frá styrkleika en ekki vandræðum og út frá metnaði en ekki uppgjöf.

Athugasemdir

[Guðrún María Óskarsdóttir., 6.1.2007 kl. 02:36]

Það er vonandi að flokksmenn allir séu sömu skoðunar og formaður flokksins.

kv.gmaria.

[Hjörtur J. Guðmundsson, 6.1.2007 kl. 12:01]

Þeir eru það auðvitað ekki, ekki allir sem einn. En hins vegar hafa undanfarin flokksþing flokksins sýnt að andstæðingar Evrópusambandsaðildar eru mjög sterkir innan hans.

[Jónas Tryggvi Jóhannsson, 7.1.2007 kl. 19:14]

Það er ekkert nýtt að framsóknarflokkurinn skilji ekki hvað er best fyrir þjóðina, enda barst hann duglega gegn EES á sínum tíma. Þetta er líka flokkur sem leggur meiri áherslu á að allir hafi vinnu en að halda verðbólgunni niðiri, sem útskýrir afhverju þeim finnst ekkert að því að nota örgjaldmiðil sem hagstjórnartæki og velta þannig kostnaði af slakri hagstjórn yfir á almenning í landinu.

Ég tek frekar undir með fólki sem er með alvöru háskólapróf um að upptaka Evru myndi hafa góð áhrif á Íslandi, og reynsla síðustu 7 ára hafi sýnt okkur að sjálfstæð peningamálastefna sé ekki að skila okkur neinu! enda margir búnir að sjá ljósið síðan genginu var leyft að byrja fljóta og ríkistjórnin hætti að spá í efnahagsstjórn - fyrirtæki og opinberar stofnanir farnar að losa sig við krónuna á meðan við sem borgum af verðtryggðum lánum erum látin svíða.

Gaman að sjá ykkur tvö hérna samt, sama fólk og maður rökræddi við um þessi mál á Huga hér um árið :) verst að þið eruð samt voða ólíkleg til að skipta um skoðun.. sama þótt krónan sé á leiðinni út um bakdyrnar.

[Hjörtur J. Guðmundsson, 7.1.2007 kl. 20:42]

Það er betra að hafa "örgjaldmiðil" en gjaldmiðil sem engan veginn hefur skilað sér fyrir þær þjóðir sem nota hann, er spáð dökkri framtíð af ófáum málsmetandi aðilum í alþjóðafjármálaheiminum og mundi seint stjórnast af íslenzkum hagsmunum eða aðstæðum.

Meira að segja sá maður sem kallaður hefur verið guðfaðir evrunnar, Robert A. Mundell Nóbelsverðlaunahafi í hagfræði og hagfræðiprófessor við Columbia háskóla í Bandaríkjunum, mælir ekki með því að við Íslendingar tökum upp evruna (sbr. viðtal í Morgunblaðinu 26. október 2006).

Þú ættir að geta tekið undir með honum, hann er svo sannarlega með alvöru háskólapróf. Nema það sé ekki nóg heldur verði viðkomandi einnig að vera sammála þinni pólitísku afstöðu til málsins?