Financial Times: Bretar gerðu rétt með að taka ekki upp evru

Stórblaðið Financial Times lýsti þeirri skoðun sinni 4. janúar sl. að tvennt hefði einkum reynst bresku efnahagslífi vel síðan 1997. Í fyrsta lagi að Englandsbanka var veitt sjálfstæði og í annan stað að Bretar hafa ekki tekið upp evruna. Blaðið segir að þrátt fyrir að verðbólga í Bretlandi sé nú jafn há og það hæsta sem gest hefur innan evrusvæðisins síðan evran var tekin í notkun bendi hagmælingar til þess að hefðu Bretar tekið upp evruna hefði verðbólgan í landinu orðið mun hærri.

Því er við að bæta að bent hefur verið á það sama í tilfelli Íslands. Þ.e. að allar líkur séu á því að væri evra í notkun hér á landi væri verðbólgan nú enn hærri en raunin er eins og staðan er í dag. Ekki síst vegna þess að með evru giltu hér á landi einungis miðstýrðir stýrivextir evrusvæðisins sem myndu seint taka mið af íslenskum aðstæðum.

Þess má geta að lokum að Financial Times hefur lengi verið ötull stuðningsmaður evrusvæðisins og talsmaður þess að Bretar tækju upp evruna - allt þar til undir það síðasta.