Mikill meirihluti vill ekki evru og Evrópusamband

Ef marka má niðurstöður nýrrar skoðanakönnunar sem Miðlun gerði fyrir vefritið Pressan.is vilja 55% Íslendinga að í peningamálum þjóðarinnar verði mörkuð stefna til framtíðar utan Evrópusambandsins með einum eða öðrum hætti. Þar af vill rúmur fjórðungur, eða 26%, að stefnan verði óbreytt og haldið í íslensku krónuna. 29% vilja taka upp erlendan gjaldmiðil einhliða, en þar af aðeins 9% evru. Einungis 24% vilja hins vegar taka upp evru með inngöngu í Evrópusambandið. 21% taka ekki afstöðu.

Lesa meira

Þjóðaratkvæðagreiðsla á Írlandi í dag

Írskir kjósendur greiða aftur atkvæði um Lissabon-sáttmálann (Stjórnarskrá Evrópusambandsins) í dag en þeir felldu hann sem kunnugt er í júní á síðasta ári. Eins og fjallað hefur verið um hér á Heimssýn.is hafa skoðanakannanir á Írlandi verið mjög misvísandi og sumar sýnt meirihluta gegn sáttmálanum og aðrar með. Fjölmiðlar segja frá því að mjótt gæti orðið á mununum og að mikil óvissa sé um það hver niðurstaða þjóðaratkvæðisins verði en gert er ráð fyrir að þær liggi fyrir um miðjan dag á morgun laugardag.

Lesa meira