Ekki ókeypis, heldur rándýrt

Það gefur auga leið að það kostar skilding að fylgja lögum, reglum, tilskipunum og tilmælum sem fylla tugþúsundir blaðsíðna.  Bara að hafa einhvern í vinnu við að lesa þetta allt hlýtur að taka í.  Er það kannski ástæðan fyrir því að það er 15 prósentustiga munur á innláns- og yfirdráttarvöxtum á almennum bankareikningum?  Það munar um minna. 

Hjörtur J. Guðmundsson fer yfir málið í ágætri grein og í ljós kemur að að fleiri en Hjörtur og Heimssýn hafa áhyggjur af því að illa sé farið með peningana. 

https://www.fullveldi.is/?p=33255

Sandgerðisræðan

Arnar Þór Jónsson hélt þétta og safaríka hugvekju um fullveldi þjóðar í samkomuhúsi Sandgerðinga 10. október 2023.  

Sandgerðisræðan er hér:

 

https://www.youtube.com/watch?app=desktop&v=iUab1PKer4Q&feature=youtu.be

Arnar Þór heimsækir Suðurnesjamenn á þriðjudag

Arnar Þór Jónsson hefur getið sér gott orð fyrir að mæla fyrir fullveldi Íslands og lýðræði.  Hann mun ræða fullveldismál í samkomuhúsinu í Sandgerði þriðjudaginn 10. október nk., kl. 20.00.  Margur hefur skroppið suður með sjó af minna tilefni. 

https://www.facebook.com/photo?fbid=10161247281362905&set=gm.543956164563679&idorvanity=439592811666682 

Fleiri sækjast eftir valdi á Íslandi

Aðgát skal höfð í nærveru erlendra ríkjasambanda og stofnana.  Það á ekki bara við um Evrópusambandið, heldur líka aðra sem seilast til valda á Íslandi.  Arnar Þór ræðir þetta og fleira í athyglisverðu viðtali á Útvarpi sögu.

Málið er einfalt:  Ekki skal flytja stjórnvald til aðila sem er ekki hægt að kjósa burt. 

https://utvarpsaga.is/frettir-vikunnar-framsal-a-rikisvaldi-til-althjodlegra-stofnana-er-landrad/

 

Þjóðaratkvæðagreiðsla

Þessa dagana auglýsir félag hér á landi að það krefjist þjóðaratkvæðagreiðslu um viðræður um aðild Íslands að Evrópusambandinu. 

Félagsmönnum virðist hafa yfirsést að ríkisstjórn Íslands er fullkomlega heimilt að ræða það sem henni sýnist við hvaða útlendinga sem er.  Hún þarf ekki umboð í þjóðaratkvæðagreiðslu til þess.  

Ríkisstjórnin hefur bara ekki áhuga á að ræða þessi mál, líklega vegna þess að það er ekkert um að ræða. Það mundi ekki breytast við þjóðaratkvæðagreiðslu. 

 

 

 

Þing á miðvikudagskvöld

Búast má við ýmsu forvitnilegu um vald og peninga á þingi Frelsis og ábyrgðar

á Grandhóteli miðvikudaginn 4. október. Dagskráin er hér að neðan.  

 

https://www.facebook.com/events/7054205387947113  

Skilaboð frá Slóvakíu

Nýlokið er þingkosningum í Slóvakíu.  Það munu vera fyrstu þingkosningar í Evrópusambandinu frá setningu nýrra laga sem bera skammstöfunina DSA og er ætlað að koma í veg fyrir illmælgi og útbreiðslu vondra hugmynda. 

Í skjóli laganna var skrúfað fyrir allmarga vefþjóna sem tengjast samfélagsmiðlum eða upplýsingaveitum.  Ekki dugði það þó betur en svo að sigurvegari kosninganna hefur horn í síðu Evrópusambandsins og vill hætta að senda púður til Úkraínu. 

Kannski eru úrslitin svar kjósenda í Slóvakíu við ritskoðunartilburðum Evrópusambandsins sem sífellt færast í aukana.

https://www.euractiv.com/section/law-enforcement/news/slovak-elections-how-platforms-counter-political-misinformation-under-dsa/