Hróp í eyðimörk

Lítill hópur áhugamanna um flutning á stjórnvaldi frá Íslandi til útlanda situr nú við skriftir og talar fjálglega um hávært kall almennings til vegferðar inn í kæfandi faðm Evrópusambandsins. 

Hið sanna er vitaskuld að langflestir Íslendinga eru í þeim hópi fólks sem veltir svokölluðum Evrópumálum lítið fyrir sér þessa dagana, eða eru heitir fullveldissinnar og hafa litla þolinmæði til að hlusta á sölumenn snákaolíu. 

Hjörtur J. Guðmundsson ræðir þetta skilmerkilega í nýrri grein á Vísi:

 

https://www.visir.is/g/20242602815d/volada-thjod-

Tryggingin og iðgjaldið

Gauti heitir maður, Kristmannsson.  Hann skrifar nýverið um að það geti verið gott að vera í Evrópusambandinu, því það sé gott tryggingafélag ef hamfarir skyldu verða á Íslandi.  

Ef menn vilja tryggingu er best að kaupa tryggingu þar sem skilmálar eru ljósir, bæði hvað varðar iðgjald og bætur.  Það er ákaflega langsótt að sækja tryggingu þar sem iðgjaldið óljóst og eins bæturnar.  Það eina sem er ljóst, ef farin er leið Gauta, er að það þyrfti borga mikið og að sjálfsákvörðunarréttur þjóðarinnar þynntist rækilega út.

Svo má líka velta fyrir sér hvort sanngjarnt sé að alþýða Evrópusambandsins, sem er upp til hópa á sultarlaunum, miðað við það sem tíðkast á Íslandi, borgi kostnað af hamförum á Íslandi. 

 

 

 

Brexit metið

Eins og við mátti búast reyna margir að meta áhrif Brexit á Breta og það sem eftir er af Evrópusambandinu.   Og, eins og við mátti búast eru niðurstöðurnar út og suður.  Kannski ráðast þær af því hver kaupir verkið.  Kannski ekki. 

Hvað sem skýrslum líður er ekki að sjá á helstu hagtölum að verr hafi gengið undanfarin ár hjá Bretum en öðrum stærstu þjóðum í Evrópu.

Hér er ein af lofgjörðum um Brexit.  Þeir sem hafa tekið trú á Evrópusambandið dreifa ugglaust skýrslum sem hljóma betur í þeirra kirkju.

 

https://assets.publishing.service.gov.uk/media/65ba6d52f51b1000136a7e3d/brexit-4th-anniversary-accessible-version.pdf

  

Meiri kreppu í von um minni kreppu

Á sínum tíma héldu sumir að leið Íslands út úr kreppu í kjölfar bankahrunsins hlyti að vera að færa stjórnvaldið til útlanda, þ.e. Evrópusambandsins.  Flestum var þó ljóst að eina leiðin til að svo gæti orðið væri að kreppan yrði sem hörðust og sem flestir yrðu svangir. 

Það fór ekki svo að alþýðan félli úr hungri á Íslandi og umsóknin um aðild að Evrópusambandinu gufaði upp. 

Eftir stendur hin sérkennilega staða að eina leiðin til að koma Íslandi í Evrópusambandið er að koma af stað hyldjúpri kreppu með aflabresti, hungri og volæði.  Í ljósi þess hlýtur að hvarfla að mönnum að best sé að þeir sem tekið hafa heita trú á Evrópusambandið fáist ekki við að stjórna neinu sem máli skiptir á Íslandi. 

Hjörtur J. Guðmundsson ræðir sitthvað sem að þessu lytur á fullveldi.is

 

 https://www.fullveldi.is/?p=36413

 

 

Regluvæðing - Björn Þorri Viktorsson

Ástæða er til að vekja athygli á fróðlegu viðtali við Björn Þorra Viktorsson, lögmann, á Útvarpi Sögu.  Björn Þorri ræðir regluvæðingu samfélagsins og fleira skylt á og eftir 16. mínútu. 

Það er nefnilega ekki ókeypis að hafa sífellt flókanri reglur um gangverk samfélagsins.  Það kostar himinháar upphæðir.  Eina leiðin til þess að forðast að lenda í slíku er að setja bara þær reglur sem þarf.  Til þess að það sé hægt þurfa menn að halda valdinu til að setja reglurnar og ekki framselja það til vandalausra í útlöndum. 

Er það ekki augljóst?

https://utvarpsaga.is/frettir-vikunnar-stjornmalavaedingin-verndadir-embaettismenn-og-husnaedisvandinn/

 

"Lýðræðið" krefst afnáms lýðræðis.

Fjöldi þingmanna á Evrópuþingi vill afnema kosningarétt þeirra sem þeir eiga ekki samleið með.

Þegar litið er til sögunnar hefur lýðræði frekar sjaldan átt samleið með Evrópu. 

Sama má að töluverðu leyti segja um mannréttindi, þar á meðal frelsi.

Það ætti því svosem ekki að koma á óvart að fulltrúar á Evrópuþingi vilji sjálfir skera lýðræðið niður, en er auðvitað í samræmi við víðtæka og vaxandi ritskoðun í Evrópusambandinu. 

Þetta er ekki brandari.  Þetta er raunveruleikinn við útidyrnar að minna okkur á að láta aldrei nein völd í hendur Evrópusambandsins og hefjast handa við að sækja þau aftur sem þangað hafa lekið.

https://samstodin.is/2024/07/esb-refsar-ungverjalandi-fyrir-tilraunir-viktor-orban-ad-stilla-til-fridar-i-ukrainustridinu/

Nýr utanríkisstjóri Evrópusambandsins mælir eindregið með herskyldu

Eistinn Kaja Kallas verður næsti utanríkismálastjóri Evrópusambandsins.  Kaja þessi mælir eindregið með herskyldu svo notuð séu hennar eigin orð strax á fyrstu mínútu þessa viðtals.  Íslenskir friðarsinnar ættu að íhuga það.  Þeir verða líka minntir á það ef einhver þeirra skyldi gleyma því og fara að vinna að innlimun Íslands í bandalag Kaju Kallas.

https://www.youtube.com/watch?v=G_NCvFJApeM

Sumar á sýru

Nokkrir Evrópupennar hafa skrifað að undanförnu.  Innihaldið er jafnan hið sama, boðskapur um mikinn gróða sem félli Íslendingum í skaut með óútskýrðum hætti, bara ef þeir féllu fram og gengju í sambandið.  Stöku sinnum fylgir kenning um bágt andlegt ástand fullvedissinna, líklega sett fram í von um að lesendur þori ekki að styðja fullveldið af ótta við að verða taldir vanvitar af einhverjum óskilgreindum aðilum úti í bæ sem hrópa hátt á torgum, en nenna oftast ekki að setja sig inn í málin.  

Hjörtur J. Guðmundsson hefur verið manna ötulastur við að svara einstökum greinum og gerir það meðal annars hér með skýrum og rökföstum hætti, eins og Hirti er vant:

 https://www.fullveldi.is/?p=50566

Hjörtur rifjar meðal annars upp að ekki gengur að byggja ákvarðanatöku um inngöngu í bandalagið á núgildandi reglum um t.d. fiskveiðar.  Þeim reglum má nefnilega breyta í sjónhendingu og skiptir þá álit fulltrúa smáþjóða litlu máli.   Og það sem meira er; það eru uppi hugmyndir innan Evrópusambandins um að breyta reglunum, en um það má lesa hér:

https://www.europarl.europa.eu/RegData/etudes/STUD/2019/629202/IPOL_STU(2019)629202_EN.pdf

Ryzard setur þingið í hakkavél

Maður er nefndur Ryzard Legutko og er pólskur prófessor í heimspeki og evrópuþingmaður.  Ryzard útskýrir vandamál Evrópuþingsins.  Hann er kjarnyrtur og kemur miklu að á 2 mínútum og er þó ekki óðamála.  

 

https://www.youtube.com/watch?v=eHRwl6gdnj4

Ekki sporð

Öðru hverju sprettur upp hugmynd um að Ísland mundi ráða einhverju í sjávarútvegsmálum í Evrópusambandinu, ef það væri þar.  Það er auðvitað fráleitt, þótt hugsanlega gætu fulltrúar frá Íslandi fengið áheyrn stöku sinnum hjá þeim sem ráða.

Hjörtur fer ágætlega yfir þetta í nýlegri grein.  Hann minnir á að í makríldeilunni þurftu þær þjóðir sem hagsmuni höfðu og voru og eru í Evrópusambandinu að leita frétta hjá Íslendingum.  Ólíkt Íslendingum höfðu þær nefnilega ekki sæti við borðið. 

Hjörtur rifjar líka upp eftirfarandi:

Hefði Ísland verið innan Evrópusambandsins þegar makríll fór að leita í miklum mæli inn í efnahagslögsögu landsins er til að mynda ljóst að við hefðum ekki veitt svo mikið sem einn makrílsporð enda alls engan rétt haft til slíkra veiða samkvæmt regluverki þess. 

https://www.visir.is/g/20242594238d/-thid-vitid-hvad-thid-vaerud-ad-fara-ut-i-