Ánægjan með ESB mælist í lágmarki

Svo hljóðar fyrirsögn á visi.is í dag. Þar segir ennfremur:

Minnst ánægja með Evrópusambandið mælist meðal íbúa Grikklands, Frakklands og Spánar, samkvæmt nýrri skoðanakönnun frá bandaríska Pew-rannsóknarfyrirtækinu.

Íbúar í tíu af 28 aðildarríkjum Evrópusambandsins voru spurðir út í afstöðu sína til sambandsins. Greinilegt er að ánægjan með sambandið hefur dvínað mjög á síðustu misserum.

Einungis 27 prósent Grikkja, 38 prósent Frakka og 44 prósent Breta segjast hafa jákvætt viðhorf til ESB.

Eftir tvær vikur ganga Bretar til kosninga um útgöngu úr Evrópusambandinu. Skoðanakannanir sýna að mjótt verður á mununum. Stundum hafa þeir mælst í meirihluta sem vilja yfirgefa ESB, en stundum hinir sem vilja að Bretland verði áfram í ESB.

David Cameron forsætisráðherra lofaði því fyrir þingkosningar á síðasta ári að ná samningum við Evrópusambandið sem styrki stöðu Bretlands og efna síðan til atkvæðagreiðslu um útgöngu.

Sjálfur hefur hann barist fyrir því að Bretland verði áfram í ESB á þessum nýju forsendum, sem hann samdi um fyrr á árinu. Andstæðingar aðildar koma ekki síst úr hans eigin flokki, Íhaldsflokknum, og hefur sú innanflokksandstaða ekkert dvínað þótt Cameron stæri sig af að hafa náð fram flestu því sem hann gerði kröfur um í samningi sínum við ESB.

Almennt eru íbúar annarra aðildarríkja þeirrar skoðunar að útganga Bretlands yrði slæm fyrir Evrópusambandið. Af þeim níu þjóðum, sem spurðar voru líst Svíum verst á útgöngu Bretlands. 89 prósent Svía telja það verða slæmt fyrir ESB.

Hins vegar er mest ánægjan með útgöngu Bretlands í Frakklandi, þar sem 32 prósent aðspurðra segja að hún yrði ESB til góðs.

Almennt eru kjósendur hægri flokka haldnir meiri efasemdum um ESB en kjósendur vinstri flokka, samkvæmt niðurstöðum könnunarinnar.
Á Grikklandi, Ítalíu, í Frakklandi og á Spáni er mest andstaða við það hvernig ESB hefur tekið á efnahagsmálum, enda hafa efnahagsörðugleikarnir orðið mestir í þessum löndum.

Meirihluti Breta vill úr ESB

Stuðning­ur við úr­sögn Breta úr Evr­ópu­sam­band­inu mæl­ist nú meiri en stuðning­ur við áfram­hald­andi veru.

Meðaltal rann­sókn­ar­miðstöðvar­inn­ar WhatUKT­hinks, sem bygg­ir á þrem­ur könn­un­um sem gerðar voru um helg­ina, mæl­ir 51 pró­senta stuðning við úr­sögn á móti 49 pró­senta stuðningi við áframa­hald­andi veru.

Rúm­lega tvær vik­ur eru í að Bret­ar gangi til þjóðar­at­kvæðagreiðslu þar sem kosið verður á milli val­kost­anna tveggja. 

Þetta kemur fram í meðfylgjandi frétt í mbl.is

Meirihluti vill úr Evrópusambandinu

Stórmerkileg frétt

Það er í raun stórmerkilegt að meira en helmingur Breta skuli alls ekki sætta sig við að vera í Evrópusambandinu. Það er enn merkilega að álíka stóri hluti fleiri aðildarþjóða skuli ekki sætta sig við veruna í ESB.

Það er líka mjög merkilegt að Norðmenn skuli hafa hafnað því í tvígang að gerast aðili að ESB og að Grænlendingum skuli hafa tekist að forða sér úr ESB.

Það er kannski ekki jafn merkilegt að hvorki Bretar, Svíar né Danir vilji sjá þann ólukkans gjaldmiðil, evruna, sem á stóran þátt efnahagsvandræðunum sem nú ráða ríkjum víðast hvar á svæðinu. Reyndar er stór hluti Evrópu mjög óánægður með evrusamstarfið.

Þetta er í raun alveg stórmerkilegt. Þeim mun furðulegra er það að til skuli vera þeir hópar sem reyna að þröngva Íslandi inn í ESB og í evrusamvinnuna með því að heimta að samningarnir við ESB verði kláraðir. Skyldu einhverjir forsetaframbjóðendur vera þeirrar skoðunar, þ.e. að klára eigi samningana við ESB, og halda þannig áfram þeirri aðlögun að ESB sem Samfylkingin hvatti helst til.

Er þetta lið ekki búið að fatta hvers vegna Samfylkingin er að hverfa?

Vaxandi vilji til að yfirgefa ESB