Norðmenn inn í landhelgina í boði Brims hf?

Hugmyndir um að Brim hf. fari á norskan hlutabréfamarkað þarf að skoða í samhengi við aðgengi að landhelginni sem Íslendingar börðust fyrir með blóði, svita og tárum.

Það var aldrei meiningin að erlendar þjóðir kæmust bakdyramegin inn í 200 mílurnar.

Ef kvótakerfið býður upp á bakdyr þarf að loka þeim eða breyta kerfinu.

 

ÚR vill erlendar fjárfestingar í Brimi

Stöðug andstaða við evruna í evrulöndunum

Síðustu ár hefur andstaðan við gjaldmiðilinn evruna verið stöðug á evrusvæðinu. Andstaðan náði hámarki á árunum eftir evrukreppuna miklu í kringum 2010 þegar þriðjungur íbúa í evrulöndunum taldi evruna vera slæma fyrir efnahaginn. Í ár eykst andstaðan um eitt prósent er 26% íbúa evrusvæðisins telja evruna slæma fyrir efnahagslífið. 

Eins og kunnugt er hefur evran og evrusamstarfið gert það að verkum að Þýskaland hefur skotist langt fram úr flestum öðrum evrulöndum hvað hagsæld varðar, en vegna styrks þýsks efnahags- og atvinnulífs hefur framleiðsla þar verið ódýrari og Þýskaland því skilað meiri viðskiptaafgangi og hagvexti en nágrannalöndin, s.s. Ítalía, Frakkland og fleiri lönd. Fyrir vikið safna mörg nágrannalanda Þýskalands skuldum og búa við meira atvinnuleysi á meðan Þjóðverjar safna eignum. Þetta er óleyst vandamál, enda telur enn um þriðjungur Frakka og Ítala evruna vera slæma. Lausnin gæti falist í sameiginlegum ríkisfjármálum - en það munu mörg evrulöndin aldrei sætta sig við - og líta má á úrsögn Bretlands sem birtingarmynd þess að íbúar í Evrópu er lítt hrifnir af auknum völdum ESB í Brussel.

Sjá nánar hér: Skýrsla um evruna. 

Sjá hér líka umfjöllun Kjarnans um málið - en þar er lögð áhersla á jákvæðari þætti evrusamstarfsins.

 

Fullveldishátið Heimssýnar 2019

101 árs afmæli fullveldisins var fagnað að kvöldi sunnudagsins 1. desember sl.  Styrmir Gunnarsson og Ögmundur Jónasson fluttu ávörp, en auk þeirra tóku allnokkrir til máls. 

Fullveldishátíð Heimssýnar

Dagur íslenskrar tungu

Líklega telur allur þorri kjósenda á Íslandi að löggjafinn eigi að hlúa að íslensku. Aðgerðir þar að lútandi eiga sér djúpar rætur í samfélaginu.

Fátt bendir til þess að allur þorri kjósenda í gömlu evrópsku stórveldunum hafi sérstaka samúð með tungum smáþjóða.  Óvíst er að viðleitni Evrópuráðsins og fleiri til að rækta menningu og tungu smáþjóða eigi djúpar rætur meðal almennra borgara sem ekki eru hluti af smáþjóð.  Í svoleiðis rótleysi getur ræktarsemi yfirvalda við smáþjóðir fokið burt næst þegar vindur snýst.    

Heimssýn óskar íslensku velfarnaðar á degi íslenskrar tungu. 

 

https://theconversation.com/russia-is-cracking-down-on-minority-languages-but-a-resistance-movement-is-growing-101493

 

Heimssýn mótmælir EES-áróðri Stjórnarráðsins

Yfirlýsing frá Heimssýn um EES-myndbönd Stjórnarráðs Íslands

Stjórnarráðið hefur látið gera og birt myndbönd um Samninginn um evrópska efnahagssvæðið.  Myndbönd þessi eru undarleg og vægast sagt vafamál að rétt sé að greitt sé úr ríkissjóði fyrir efni af því tagi sem þar er.  Í myndböndunum er fjallað um margt sem flestir telja jákvætt, svo sem sjúkratryggingar, nám í útlöndum, verslun við önnur Evrópulönd, öryggiskröfur, greiðslumiðlun, vinnuvernd og umhverfismál svo nokkuð sé nefnt.  Ýmist er sagt berum orðum, eða gefið sterklega í skyn, að mál þessi, og fleiri, væru í ólestri ef ekki væri EES-samningur.  Flestir sem til þekkja gera sér grein fyrir að engin ástæða er til að ætla að svo væri, en svo virðist sem myndböndunum sé ætlað að ná til þeirra sem þekkja síður til, í því skyni að sannfæra þá um að EES-samningurinn sé upphaf og endir flestra hluta, þó svo ekkert hafi komið fram sem bendi til að svo sé.       

Heimssýn hvetur til skynsamlegrar umræðu um raunverulega kosti og galla EES-samningsins og þá valkosti sem við hann kunna að vera.  Myndböndin sem hér um ræðir komast hvergi nærri því að vera framlag í slíka umræðu.  Þau eru einhliða áróður, þar sem EES-samningurinn er kynntur með stolnum fjöðrum.  Þau eru móðgun við upplýsta umræðu, íslensku þjóðina, og Stjórnarráðinu til lítils sóma.

 

Niðurstaðan verður alltaf sú sama: Ísland tapar

Bakþankar Fréttablaðsins kyrjuðu gamalkunnan söng um að fullveldissinnar væru fullir ranghugmynda.  Að venju voru engin rök sem hönd á festir.  Af því tilefni rifjar formaður Heimssýnar upp að það er er sama hvort lýðræði er mikið eða lítið, hagsmunir Íslendinga munu alltaf verða fyrir borð bornir innan erlends stórveldis eða ríkjasambands.

 

https://www.frettabladid.is/skodun/ef-vel-er-leita-mun-sjalfsagt-vera/

Verðandi utanríkisráðherra Evrópusambandsins heimtar alvöru her

 

Mörgum í Evrópusambandinu þykir ganga hægt að koma upp alvöru her.  Verðandi utanríkisráðherra sambandsins er einn þeirra. Fleiri hermenn, fleiri sprengjur, meira púður.  Allt það tónverk hefur verið flutt oftar en tölu verður á komið í sölum gömlu evrópsku nýlenduveldanna.  Ekkert er nýtt undir sólinni, nema kannski að á Íslandi vilja sumir að Íslendingar taki þátt.  

https://www.courthousenews.com/new-foreign-policy-boss-says-eu-must-use-language-of-power/

Áskorun til forsætisráðherra, Katrínar Jakobsdóttur, ríkisstjórnar og Alþingis

Skynsamleg nýting náttúruauðlinda er forsenda farsæls samfélags á Íslandi og því er mikilvægt að þar ráði hagsmunir íslensks samfélags för og hafi ávallt forgang fram yfir hagsmuni erlendra ríkja.  Reynslan sýnir að það getur reynst smáþjóðum afdrifaríkt að tapa valdi til erlendra stórríkja og að það getur tekið aldir að ná því aftur.   

Fyrir liggja frumvörp og drög að þingsályktun sem færa valdheimildir í orkumálum á Íslandi til erlends ríkjasambands.  Í ljósi þess að hér er um veigamikið mál að ræða, sem ekki er auðveldlega afturkræft,     skorum við á forsætisráðherra, Katrínu Jakobsdóttur, ríkisstjórn Íslands og þingmenn Alþingis að leita álits þjóðarinnar í þjóðaratkvæðagreiðslu.

Frosti Sigurjónsson tekur utanríkismálanefnd á beinið

Á fundi með utanríkismálanefnd Alþingis í dag sagði Frosti Sigurjónsson, fyrrverandi þingmaður, að hætta væri á að samþykkt Orkupakka 3 hefði í för með sér ágang á islenska náttúru, kröfu um sæstreng og hættu á stórfelldum bótakröfum erlendra aðila verði ekki fallist á kröfur um lagningu sæstrengs, samanber fréttir um málið í dag.

Reyndir fyrrverandi þingmenn furða sig ýmsir á vinnubrögðum sem nú eru á þingi og þeim ákafa sem margir þingmenn og nefndarmenn beita í að svara og gagnrýna málflutning sumra þeirra sem fyrir nefndir eru kallaðir til að skýra og upplýsa um mál. Þykir þessum gömlu þingmönnum lítil reisn af háttalagi þessara ungu þingmanna.