Matarskattur, niðurskurður en samt milljarðar í ESB-umsókn

Almenningur á Íslandi ber hærri skatta, þarf að sætta sig við niðurskurð í velferðarmálum og skerta þjónustu stjórnsýslunnar en ríkisstjórnin dælir samt sem áður milljörðum í tilgangslausa umsókn um aðild að Evrópusambandinu.

Vigdís Hauksdóttir þingmaður Framsóknarflokksins segir að kostnaðurinn við umsóknina hlaupi á tugum milljörðum króna.

Afturköllun umsóknar Íslands um aðild að Evrópusambandinu ætti að vera fyrsta mál á dagskrá stjórnarflokkana - áður en þeir loka sjúkradeildum, hækka matarskatt og skerða opinbera þjónustu.

Stjórnsýsla skorin um 3%

Dollarinn er mynt, evran er sprengiefni

Óháð hvort dollar hækki eða lækki á gjaldeyrismörkuðum efast enginn um að Bandríkin haldi áfram að vera þjóðríki. Evran, aftur á móti, getur sprengt í loft upp pólitískt samrunaverkefni stærstu þjóða Evrópu. Neyðarfundur Sarkozy Frakklandsforseta á morgun mun fjalla um framtíð Evrópusambandsins sem hangir á evrunni.

Tveir Þjóðverjar hafa á síðustu dögum teiknað upp ólíka framtíð Evrópusambandsins. Joschka Fischer fyrrum utanríkisráðherra Þýskalands segir að aukin samruni bjargi bæði myntinni og sambandinu. Otmar Issing sem stundum er nefndur faðir evrunnar segir gjaldmiðilinn ekki standa undir pólitískum þunga Evrópusambandsins.

Evran er sprengiefni sem annað tveggja stútar þjóðríkjum eða Evrópusambandinu. Er nokkur ástæða fyrir Íslandinga að sækja um að vera viðstaddir hvellinn?

Sarkozy heldur neyðarfund