Það er enginn áhugi á ESB og evru

Það er ljóst eftir fyrsta þátt ríkissjónvarpsins um kosningamálin að það er enginn áhugi meðal framboðanna á því að ræða um aðild að ESB eða upptöku evrunnar. Heilbrigðismál og velferðarmál tóku upp mestan hluta - og svo þurftu frambjóðendur náttúrulega að svara spurningum þáttastjórnenda um stjórnarskrána.

Fremur lítið var rætt um verðtrygginguna, þótt einstakir frambjóðendur reyndu að ræða gjaldmiðilsmál í því samhengi. Lengra þorði Samfylkingin ekki að fara í átt til þess að nefna evruna.

Enda sjá kjósendur það á því sem er að gerast í evruríkjunum að það að fara inn í ESB og að taka upp evru er óafturkræf framkvæmd, svo notað sé hugtakanotkun úr öðrum málaflokki.

Skoðanakönnun: Er stjórnarskráin forsenda breytinga?

Umræður stjórnmálaforingjanna um stjórnarskrármálið sem nú standa yfir í ríkissjónvarpinu eru umræður um form og án innihalds, enn sem komið er.

Er stjórnarskráin hér á landi ástæðan fyrir hinu alþjóðlega fjármálahruni, með íslensku ívafi, sem skall á Íslandi í september og október 2008? Verður breyting á stjórnarskránni til þess að bæta hag heimilanna?

Það var t.d. aldrei spurt beint um valdaframsalsákvæði stjórnarskráinnar. Ætli fólk hefði verið tilbúið að samþykkja það?

Hægt er að svara skoðanakönnum um stjórnarskrána hér til hliðar.

Þróunarríkin missa trúna á evruna

Eins og þessi frétt, sem ættuð er frá Alþjóðagjaldeyrissjóðnum, ber með sér, hafa stærstu svokölluð þróunarríkin misst trúna á evruna.

Þau hafa ekki áhuga á því að auka hlut evrunnar í gjaldeyrisforða sínum, heldur leita á önnur mið.

BRICS-ríkin losa sig við evrur

ESB- og evruframboð bíður afhroð

Það er ljóst af þessari skoðanakönnun að helsti baráttuflokkurinn fyrir ESB-aðild og evruupptöku, Samfylkingin, bíður mikið afhroð. Björt framtíð, sem gælir við svipaðar hugmyndir, fer einnig dalandi.

Það er alveg ljóst af þessu að kjósendur hafna algjörlega flokkum sem hafa aðild að ESB á stefnuskrá sinni.

Fylgi Sjálfstæðisflokks dalar enn

Hollendingar sjá eftir því að hafa tekið upp evru og eru ósáttir við ESB

Meðfylgjandi frétt EUobserver ber með sér að 55% Hollendinga sjái eftir því að hafa tekið upp evruna.

Auk þess eru Hollendingar ekki sáttir við þá gagnrýni sem fjármálaráðherra þeirra, Dijsselbloem, hefur fengið frá öðrum leiðtogum í Evrópu - en ráðherrann hefur verið berorðari um áætlanir og aðferðir ESB en fjölmiðlar hafa áður fengið að kynnast.

Enn eru stíf gjaldeyrishöft á Kýpur

Gjaldeyrishöftin í evruríkinu Kýpur eru enn umfangsmikil og stíf, þótt eitthvað sé rýmra nú um úttektir úr bönkum en áður var eins og meðfylgjandi frétt Morgunblaðsins ber með sér.

Þegar höftin voru sett á vonuðust einhverjir ráðmenn að þau yrði ekki lengur en fáeina daga. Þeim hefur ekki orðið að ósk sinni.

Íslendingar hljóta hins vegar að hafa samúð með Kýpverjum, sérstaklega í ljósi þess að gjaldeyrishöftin snerta almenning í þessu evruríki af mun meiri þunga en höftin hér á landi hafa gert.

Dregið úr höftum á Kýpur

Er Slóvenía næst í röðinni?

Verður Slóvenía næsta evruríkið sem biður um fjárhagsaðstoð? Hin stóru alþjóðlegu lánshæfismatsfyrirtæki spáðu því á síðasta ári að þetta litla evruríki og fyrrum kommúnistaríki kæmist vart hjá því að biðja um aðstoð.

Frétt Morgunblaðsins ber með sér að ástandið í landinu hafi ekki batnað, enn sé samdráttur og verði enn talsverður í ár.

Spáir meiri samdrætti í Slóveníu