Bresk stjórnvöld reyna að komast hjá þjóðaratkvæði

Bresk stjórnvöld leita nú leiða til að komast hjá því að leggja fyrirhugaða stjórnarskrá Evrópusambandsins í þjóðaratkvæði í Bretlandi. Skoðanakannanir hafa lengi sýnt að mikill meirihluti Breta sé andvígur stjórnarskránni og vilji jafnvel fremur ganga úr sambandinu en gangast undir hana. En stjórnarskráin skal í gegn með einum eða öðrum hætti hvort sem almenningi í Bretlandi, eða í öðrum aðildarríkjum Evrópusambandsins, líkar betur eða verr - og helst án þess að hann sé hafður með í ráðum sé þess nokkur kostur.

Athugasemdir

[Hjörtur J. Guðmundsson, 24.1.2007 kl. 11:39]

Það er spurning. Það er deilt um það hvort brezk stjórnvöld séu í raun hlynnt stjórnarskránni. Hins vegar er mikill þrýstingur á aðildarríkin frá Brussel að dansa í takt og greiða fyrir því að stjórnarskráin taki gildi með einum eða öðrum hætti og því m.a. verið óbeint hótað að þau ríki sem ekki samþykki hana muni verða rekin úr Evrópusambandinu. Sem hefur aftur varla mikil áhrif í Bretlandi nema til að auka andstöðuna enda hafa skoðanakannanir sýnt að Bretar vilji frekar ganga úr sambandinu en að gangast undir stjórnarskrána. Og þess utan hafa skoðanakannanir einfaldlega sýnt að Bretar vilji ganga úr Evrópusambandinu yfir höfuð og lái þeim hver sem vill.