Evran er Icesave Íra

Evrópuvaktin birti í íslenskri þýðingu leiðara New York Times í dag og segir m.a. þar

Vandi líðandi stundar hófst eftir að Írar tóku upp evruna árið 2002 og lágir vextir samhliða ákaflega losaralegum reglum um bankastarfsemi stuðluðu að fasteignabólu sem byggðist á spákaupmennsku. Þegar hún sprakk árið 2008 sýndu írsk stjórnvöld þann glannaskap að gangast í fulla ábyrgð fyrir sex stærstu banka landsins með skattfé almennings að bakhjarli.

Írar er á hnjánum á leið til Brussel að biðja um betri lánakjör vegna bankahrunsins. Á Íslandi er ríkisstjórn Jóhönnu Sig. í þriðja sinn að reyna koma okkur í sömu stöðu og Írar eru í dag. Við eigum að ábyrgjast skuldir óreiðubankanna.

Áróður ríkisstjórnarinnar gengur út á það að ábyrgðin sé fjarska lítil og þrotabú Landsbankans muni standa undir greiðslunum til Breta og Hollendinga.

Gott og vel. Þá hlýtur að vera í góðu lagi að fella Icesave-samninginn í þjóðaratkvæðagreiðslunni. Þegar búið er að greiða Bretum og Hollendingum úr þrotabúi Landsbankans getum við rætt við þá um smáaurana sem útaf standa.

Setjum öryggið á oddinn, segjum nei 9. apríl

(Tekið héðan).