255 mannár að þýða löggjöf ESB

Frétt í RÚV segir að vegna aðlögunar Íslands að Evrópusambandinu verði að þýða laga- og regluverk sambandsins. Það muni taka 85 manns þrjú ár að þýða textann frá Brussel, en það gera 255 mannár.

Í gegnum EES-samninginn hefur Ísland tekið upp innan við tíu prósent af lagaverki Evrópusambandsins.

ESB-umsókn Íslands nýtur stuðnings eins stjórnmálaflokks, Samfylkingar, en aðrir stjórnmálaflokkar eru á móti aðild Íslands að Evrópusambandinu. Meirihluti þjóðarinnar er andvígur aðild.

Væri ekki nær lagi að þýða eitthvað af heimsbókmenntunum yfir á íslensku en láta Brussel-textann rykfalla?