Mótsögn Fréttablaðsins

Ólafur Stephensen skrifar leiðara í Fréttablaðið um undirskriftasöfnunina til stuðnings því að umsóknin um aðild að ESB verði lögð til hliðar. Er hann með undarlegri innleggjum í Evrópusambandsumræðuna.

Kjarninn í máli Ólafs er að óvissuástand í Evrópu sé ekki tilefni til að leggja aðildarumsóknina til hliðar þar sem Evrópusambandið er hvort eð er í stöðugri þróun og það mun ávallt vera óvissa um hvernig framtíð þess lítur út. Spurningin um aðild snýst um það hvort þjóðin ætli sér að taka þátt í samrunaverkefni Evrópu.

Þetta eru ágæt rök sem vel má ræða.

Í síðustu efnisgrein leiðarans er hinsvegar eins og Ólafur snúist 180 gráður og hafnar því að almenn andstaða við aðild sé nokkur rök fyrir því að draga aðildarumsóknina til baka því ekki sé búið að ganga frá samningum um innleiðingu Evrópulöggjafarinnar eins og hún stendur nákvæmlega núna! Án þeirra er nefnilega engin leið að vita hvað aðild þýðir í raun.

-----------------------

Annars hvet ég alla til að skrifa undir á skynsemi.is

(Tekið héðan.)