ESB bjargar bönkum en ekki þjóðum

Írar eru með ónýtt bankakerfi sem ætti að fara á hausinn. En vegna þess að Írar eru í Evrópusambandinu og með evru í þokkabót eru þeir bundnir á klafa. Paul de Grauwe einn fremsti sérfræðingur heims í evrumálum segir það skýrt og skorinort: Evrópusambandið bjargar bönkum en ekki þjóðum.

Í stað þess að lána ríkissjóðum beint valdi Evrópusambandið að opna sjóði sína fyrir þýskum og frönskum bönkum sem stóðu höllum fæti gagnvart ofurskuldugum þjóðum, einkum í Suður-Evrópu.

Bankabjörgunarleiðangur ESB er senn kominn á leiðarenda. Þýski seðlabankinn, sem er hryggstykkið í Evrópska seðlabankanum, er orðinn svo skuldugur að hann getur ekki lengur stuðlað að jafnvægi í fjármálakerfi evru-svæðisins. Áhættan á áhlaupi á evruna vex og ekki sér fyrir endann á skuldakreppunni.

Og auðvitað ætla íslensk stjórnvöld að flytja þjóðarhagsmuni okkar inn í ónýtt evruland.

Samanburður við Ísland nú af hinu góða