Þjóðaratkvæði um ESB-umsókn

Þingmenn Vinstrihreyfingarinnar græns framboðs voru án umboðs kjósenda sinna þegar þeir 16. júlí 2009 greiddu atkvæði með þingsályktun Össurar Skarphéðinssonar um að sækja um aðild að Evrópusambandinu.

Yfirlýst stefna VG var og er að Íslandi sé betur borgið utan ESB en innan. Út á þá stefnu náðu þingmenn VG kjöri vorið 2009. Samfylkingin, sem einn flokka er með ESB-aðild á stefnuskrá sinni, fékk 29 prósent atkvæðanna í þingkosningunum.

Án svika þingmanna VG við kjósendur sína hefði umsókn ekki verið send til Brussel. Lýðræðislegur vilji þjóðarinnar stendur ekki til þess að ganga í Evrópusambandið.

Umsóknina um ESB-aðild Íslands ber að afturkalla. Til vara má efna til þjóðaratkvæðagreiðslu um það hvort við viljum halda áhugamáli Samfylkingarinnar til streitu.

Vilja fá að kjósa um aðildarviðræður