Foringjarnir tala tæpitungulaust um ESB-umsókn

Það má gera ráð fyrir því að stjórnmálaforingjarnir muni tala tæpitungulaust um framtíð aðildarumsóknar Íslands að ESB á opnum fundi Heimssýnar í Norræna húsinu þriðjudaginn 5. febrúar næstkomandi.

Fundurinn hefst klukkan 12:00

Framtíð aðildarumsóknarinnar mun fyrst og fremst ráðast af afstöðu flokkanna til málsins og árangri þeirra í kosningunum í vor.

Heimssýn hefur sem sagt ákveðið að gefa kjósendum tækifæri til þess að kynna sér afstöðu flokkanna til málsins og heldur því opinn fund um málið. Á fyrri hluta fundarins fær hver frummælandi að kynna afstöðu sína og síns flokks, en í seinni hluta fundarins verður fundargestum gefið færi á að koma með spurningar úr sal.

Opinn fundur um framtíð umsóknar

Athugasemdir

[Anna Sigríður Guðmundsdóttir, 31.1.2013 kl. 20:48]

Það er jákvætt að allir ólíkir stjórnmálaflokkar, og talsmenn þeirra, komi saman á einum fundi.

Líka þeir nýju, litlu og fátæku!

Og foringjar allra flokka taki þátt í umræðunni, af virðingu fyrir öllum rök-réttlátum skoðunum.

Vonandi höfum við lært af Icesave-kosningunni, að það verða öll dýrin að finna sig í sama skóginum, á rök-réttlátum lýðræðis-forsendum fyrir heildina.

Við verðum öll að þola réttláta uppbyggilega gagnrýni, og læra af henni, þó það sé stundum erfitt :(

Enginn hlekkur er né verður nokkurntíma sterkari, en veikasti hlekkurinn í keðjunni. Hagur þeirra fátæku og valdalitlu er jafn mikils virði og hagur heildarinnar.

Auðvitað mætir maður á þennan fund, til að fylgjast með og gagnrýna sjálfan sig og aðra. Það ættu sem flestir að gera.

M.b.kv.