Hassið í ESB lausn við atvinnuleysinu?

Evrópa fer ekki varhluta af vímuefnavandanum, eins og tengd frétt í EUbusiness greinir frá. Embættismenn í álfunni eru þó ekki á því að gefast upp, heldur vilja loka aðkomuleiðum fyrir dópið.

Þrjár milljónir Evrópubúa reykja kannabisefni daglega, en það veldur ýmsum geðrænum vandamálum og íþyngir heilbrigðisþjónustu landanna verulega, samanber nýlega umfjöllun hér á landi. 

Það er þekkt að atvinnuleysi fylgir aukin hætta á dópneyslu. Þetta vandamál er sérstaklega stórt á Spáni. 

ESB berst gegn lögleiðingu á sölu kannabisefna, ef marka má fréttina. Lög, reglur, eftirlit og aðgerðir til að koma í veg fyrir neyslu virðast því vera einkunnarorð og helstu aðferðir ESB í þessum efnum.

Cecilia Malmstroem, einn helsti embættismaður ESB á þessu sviði, vill því ekki fara hina mjúku, hollensku leið. Þó er viðurkennt að skoðanir um lögleiðingu eru skiptar í Evrópu.

Yfirvöld verða því að einbeita sér við að uppræta dópsöluna, hvort sem hún á sér stað með aðstoð hefðbundinna vöruflutninga eða um internetið, segja þessir aðilar. Það þarf að skoða póstinn - einn helsta dreifingaraðilann fyrir dópið!

Pósturinn getur greinilega verið banvænn.

Athugasemdir

[Sigurður Þórðarson, 1.2.2013 kl. 17:15]

Hollendingar halda því sjálfir fram að þeirra leið t.d. ókeypis fix fyrir skráða heróínfíkla hafi leitt af sér færri rán og færri ofbeldisglæpi. Fríar nálar leiða líka til sparnaðar annarsstaðar í heilbrigðiskerfinu.  Við eigum gott að vera eyjaskeggjar norður í hafi og þurfum sem betur fer ekki að fá yfir okkur öll vandamál í sama mæli.