Veruleg og vaxandi andstaða við aðild að ESB

Þessi könnun MMR sýnir verulega og vaxandi andstöðu Íslendinga við aðild að ESB.

Af þeim sem tóku afstöðu sögðust 63,3% vera andvíg því að Ísland gengi í Evrópusambandið nú, borið saman við 62,7% í janúar. Aðeins 24,2% sögðust hlynnt því að Ísland gangi í Evrópusambandið nú, borið saman við 25% í síðustu mælingu.

63,3% andvíg inngöngu í ESB

Athugasemdir

[Gunnar Waage (IP-tala skráð) 13.2.2013 kl. 14:44]

Ný ríkisstjórn á að gera það að sínu fyrsta verki að draga umsóknina til baka.

[Eggert Guðmundsson, 13.2.2013 kl. 15:47]

Íslendingar eru byrjaðir að hugsa - það er ánægulegt að það sé meirihlutinn.

[Sleggjan og Hvellurinn, 13.2.2013 kl. 16:31]

Þessvegna er það stórfurðurlegt að NEI sinnar einsog Gunnar Waage séu skíthræddir við fullbúinn samning.

[Eggert Guðmundsson, 13.2.2013 kl. 16:56]

Það sem menn fá í viðræðunum við ESB er Rómarsáttmálinn, þ.e. stjórnarskrá ESB og lög ESB. Það eru engar undanþágur gefnar. 

Það sem  útlendingur sem sækist eftir íslenskum ríkisborgararétti fær er íslenska stjórnarskráin og íslensk lög. Það eru engar undanþágur gefnar

[Sleggjan og Hvellurinn, 13.2.2013 kl. 21:46]

Afhverju má þá ekki fá samninginn á borð og kjósa um hann?

Við hvað ertu hræddur?

[Guðrún (IP-tala skráð) 13.2.2013 kl. 23:57]

Ég vil ekki aðild að Evrópusambandinu. Var einnig andvíg aðild fimmtudaginn 16. júlí 2009, þegar alþingi sótti um aðild Íslands að ESB. Mér hugnast ekki aðildarviðræður og tel tíma embættismanna betur varið í þau verkefni sem sitja á hakanum. Ég vil ekki sjá samning og ekki kíkja í neinn pakka. Af hverju vill Sleggjan og Hvellurinn ekki leyfa mér að kjósa? Við hvað er sá bloggari hræddur?

[Sleggjan og Hvellurinn, 14.2.2013 kl. 13:01]

Þú mátt kjósa um samninginn þegar hann liggur fyrir. Að fara í þjóðaratkvæðisgreiðslu um hvort við eigum að fara í þjóðaratkvæðisgreiðslu seinna er tímasóun og ég er sammála því að það skal ekki eyða peningi og tíma í það rugl.

[Guðrún (IP-tala skráð) 14.2.2013 kl. 16:16]

Þú hlýtur að hafa misskilið það sem ég skrifaði hér á undan, eða hreinlega ekki lagt á þig að lesa.

Ég vil ekki sjá samning við Evrópusambandið, engan pakka til þess að kíkja í, enga aðlögun eða aðlögunarviðræður. Það er kýrskýrt!

Ég lít ekki svo á að þetta verði þjóðaratkvæðagreiðsla um þjóðaratkvæðagreiðslu, heldur mitt tækifæri til þess að koma í veg fyrir frekari tímasóun embættismanna og fjárútlát ríkissjóðs í verkefni, sem ég er andvíg. Ef að þú ert einn af þeim er telja að virða beri "lýðræðislega" niðurstöðu Alþingis um aðildarumsókn, þá er ég ein af þeim sem veit að Alþingi Íslendinga getur á sama "lýðræðislega" mátann dregið þessa umsókn til baka. Það er mín skoðun og ég áskil mér rétt til þess að vinna henni fylgis.

Af hverju viltu ekki leyfa mér að kjósa? Við hvað ertu hræddur, bloggari?